Aqtaý qalasyndaǵy Nazarbaev Ziiatkerlik mektebine 2020-2021 oqý jylyna 7-synypqa konkýrstyq irikteýge qatysý úshin qujat qabyldaýda ózgerister bar. Bul týraly «Óńirlik Kommýnikatsiialar Qyzmeti» alańynda ótken brifing barysynda mektep direktory Ermek Paizov málim etti.
Endi úmitkerdiń 3*4 kólemdegi fotosy qaǵaz túrinde emes elektrondy túrde qabyldanady. Conymen qatar, turǵylyqty meken-jai týraly anyqtama suratylmaidy.
«Qabyldaý komissiiasynyń jumysyn barynsha tiimdi uiymdastyryp, úmitkerlerge yńǵaily jaǵdai jasaý maqsatynda úmitkerler qujat tapsyrǵan jerinen tegin fotoǵa túse alatyndai uiymdastyryldy. Ol úshin úmitkerlerdiń ata-anasy nemese zańdy ókili balany ózimen alyp kelýi tiis» deidi mektep basshysy Ermek Serikuly.
Úmitker irikteý konkýrsyna qatysý úshin qabyldaý komissiiasyna kelesi qujattardy tapsyrady: konkýrsqa qatysý úshin ótinish, saýalnama, úmitkerdiń týý týraly kýáliginiń kóshirmesi, JSN-y, zańdy ókiliniń JSN kórsetilgen jeke kýálik kóshirmesi, 086/ý meditsinalyq anyqtama formasy, úmitkerdiń sońǵy oqý jylyndaǵy úlgerimi men tártibi tabeliniń kóshirmesi. Tabel bala oqityn mektep basshysynyń qolymen rastalyp, uiymynyń mórimen bekitilýi kerek (eskertý: qujattardy 6 synyptyń 1-shi jarty jyldyǵy aiaqtalǵanǵa deiin tapsyrsańyz 5 synyptyń tabeli qabyldanady, 6 synyptyń 1-shi jarty jyldyǵy aiaqtalǵan soń tapsyrsańyz 6 synyptyń 1-shi jarty jyldyq tabeli qabyldanady), úmitkerdiń grafikalyq fail túrindegi 1 MB (megabait) kem emes kólemi 3h4 sm tsifrli fotosýreti nemese úmitkerdiń fototúsirilimi qujat tapsyrý kezinde qabyldaý komissiiasynda jasalynady. Kórsetilgen barlyq qujattar plastikalyq teztikpege salynady.
Ziiatkerlik mektepke konkýrstyq irikteý úshin qujat qabyldaý jeltoqsannyń 18-i kúni bastalǵan. Komissiia ókilderiniń sózinshe búginde bilim ordasy 245 úmitkerdiń ótinishin qabyldaǵan. Qujat qabyldaý qańtardyń 31-ine deiin jalǵasady.
Aita keteiik, ótken jyly Aqtaýdaǵy Nazarbaev Ziiatkerlik mektebinde bilim alýǵa 784 úmitkerden ótinish tústi. Solardyń 140-y búginde kóshbasshylar mektebinde bilimin shyńdaýda. Mektep direktorynyń sózinshe, 2020-2021 oqý jylyna 7-synyptar úshin 120 bilim granty bólingen. Qabyldaý komissiiasy qujattardy qazirden tapsyrýǵa keńes beredi. Óitkeni, ýaqyt óte tapsyrýshylar qatarynyń kóptiginen kezek kútý kóbeiýi múmkin.
Testileý 2020 jylǵy 14-15 naýryz kúnderi qazaq, orys, aǵylshyn tili jáne matematika men sandyq sipattamadan ótedi. Barlyq saýaldar boiynsha + 7 778 156 80 36; + 7 778 156 80 46; 70 10 66 nomerlerine qońyraý shalýǵa bolady. Atalǵan qujattar Nazarbaev Ziiatkerlik mektebinde qabyldanady.
Aqtaý qalasyndaǵy
himiia-biologiia baǵytyndaǵy
Nazarbaev Ziiatkerlik mektebiniń
baspasóz qyzmeti
