اقتاۋ قالاسىنداعى نازارباەۆ زيياتكەرلٸك مەكتەبٸنە 2020-2021 وقۋ جىلىنا 7-سىنىپقا كونكۋرستىق ٸرٸكتەۋگە قاتىسۋ ٷشٸن قۇجات قابىلداۋدا ٶزگەرٸستەر بار. بۇل تۋرالى «ٶڭٸرلٸك كوممۋنيكاتسييالار قىزمەتٸ» الاڭىندا ٶتكەن بريفينگ بارىسىندا مەكتەپ ديرەكتورى ەرمەك پايزوۆ مەلٸم ەتتٸ.
ەندٸ ٷمٸتكەردٸڭ 3*4 كٶلەمدەگٸ فوتوسى قاعاز تٷرٸندە ەمەس ەلەكتروندى تٷردە قابىلدانادى. Cونىمەن قاتار, تۇرعىلىقتى مەكەن-جاي تۋرالى انىقتاما سۇراتىلمايدى.
«قابىلداۋ كوميسسيياسىنىڭ جۇمىسىن بارىنشا تيٸمدٸ ۇيىمداستىرىپ, ٷمٸتكەرلەرگە ىڭعايلى جاعداي جاساۋ ماقساتىندا ٷمٸتكەرلەر قۇجات تاپسىرعان جەرٸنەن تەگٸن فوتوعا تٷسە الاتىنداي ۇيىمداستىرىلدى. ول ٷشٸن ٷمٸتكەرلەردٸڭ اتا-اناسى نەمەسە زاڭدى ٶكٸلٸ بالانى ٶزٸمەن الىپ كەلۋٸ تيٸس» دەيدٸ مەكتەپ باسشىسى ەرمەك سەرٸكۇلى.
ٷمٸتكەر ٸرٸكتەۋ كونكۋرسىنا قاتىسۋ ٷشٸن قابىلداۋ كوميسسيياسىنا كەلەسٸ قۇجاتتاردى تاپسىرادى: كونكۋرسقا قاتىسۋ ٷشٸن ٶتٸنٸش, ساۋالناما, ٷمٸتكەردٸڭ تۋۋ تۋرالى كۋەلٸگٸنٸڭ كٶشٸرمەسٸ, جسن-ى, زاڭدى ٶكٸلٸنٸڭ جسن كٶرسەتٸلگەن جەكە كۋەلٸك كٶشٸرمەسٸ, 086/ۋ مەديتسينالىق انىقتاما فورماسى, ٷمٸتكەردٸڭ سوڭعى وقۋ جىلىنداعى ٷلگەرٸمٸ مەن تەرتٸبٸ تابەلٸنٸڭ كٶشٸرمەسٸ. تابەل بالا وقيتىن مەكتەپ باسشىسىنىڭ قولىمەن راستالىپ, ۇيىمىنىڭ مٶرٸمەن بەكٸتٸلۋٸ كەرەك (ەسكەرتۋ: قۇجاتتاردى 6 سىنىپتىڭ 1-شٸ جارتى جىلدىعى اياقتالعانعا دەيٸن تاپسىرساڭىز 5 سىنىپتىڭ تابەلٸ قابىلدانادى, 6 سىنىپتىڭ 1-شٸ جارتى جىلدىعى اياقتالعان سوڭ تاپسىرساڭىز 6 سىنىپتىڭ 1-شٸ جارتى جىلدىق تابەلٸ قابىلدانادى), ٷمٸتكەردٸڭ گرافيكالىق فايل تٷرٸندەگٸ 1 مب (مەگابايت) كەم ەمەس كٶلەمٸ 3ح4 سم تسيفرلٸ فوتوسۋرەتٸ نەمەسە ٷمٸتكەردٸڭ فوتوتٷسٸرٸلٸمٸ قۇجات تاپسىرۋ كەزٸندە قابىلداۋ كوميسسيياسىندا جاسالىنادى. كٶرسەتٸلگەن بارلىق قۇجاتتار پلاستيكالىق تەزتٸكپەگە سالىنادى.
زيياتكەرلٸك مەكتەپكە كونكۋرستىق ٸرٸكتەۋ ٷشٸن قۇجات قابىلداۋ جەلتوقساننىڭ 18-ٸ كٷنٸ باستالعان. كوميسسييا ٶكٸلدەرٸنٸڭ سٶزٸنشە بٷگٸندە بٸلٸم ورداسى 245 ٷمٸتكەردٸڭ ٶتٸنٸشٸن قابىلداعان. قۇجات قابىلداۋ قاڭتاردىڭ 31-ٸنە دەيٸن جالعاسادى.
ايتا كەتەيٸك, ٶتكەن جىلى اقتاۋداعى نازارباەۆ زيياتكەرلٸك مەكتەبٸندە بٸلٸم الۋعا 784 ٷمٸتكەردەن ٶتٸنٸش تٷستٸ. سولاردىڭ 140-ى بٷگٸندە كٶشباسشىلار مەكتەبٸندە بٸلٸمٸن شىڭداۋدا. مەكتەپ ديرەكتورىنىڭ سٶزٸنشە, 2020-2021 وقۋ جىلىنا 7-سىنىپتار ٷشٸن 120 بٸلٸم گرانتى بٶلٸنگەن. قابىلداۋ كوميسسيياسى قۇجاتتاردى قازٸردەن تاپسىرۋعا كەڭەس بەرەدٸ. ٶيتكەنٸ, ۋاقىت ٶتە تاپسىرۋشىلار قاتارىنىڭ كٶپتٸگٸنەن كەزەك كٷتۋ كٶبەيۋٸ مٷمكٸن.
تەستٸلەۋ 2020 جىلعى 14-15 ناۋرىز كٷندەرٸ قازاق, ورىس, اعىلشىن تٸلٸ جەنە ماتەماتيكا مەن ساندىق سيپاتتامادان ٶتەدٸ. بارلىق ساۋالدار بويىنشا + 7 778 156 80 36; + 7 778 156 80 46; 70 10 66 نومەرلەرٸنە قوڭىراۋ شالۋعا بولادى. اتالعان قۇجاتتار نازارباەۆ زيياتكەرلٸك مەكتەبٸندە قابىلدانادى.
اقتاۋ قالاسىنداعى
حيمييا-بيولوگييا باعىتىنداعى
نازارباەۆ زيياتكەرلٸك مەكتەبٸنٸڭ
باسپاسٶز قىزمەتٸ
