Nursultan Nazarbaev Zimbabve Respýblikasynyń Prezidenti Emmerson Mnangagvamen kezdesti, dep habarlaidy "Ult aqparat" Aqordaǵa silteme jasap.
Qazaqstanǵa resmi saparmen kelgen Zimbabve Respýblikasynyń Prezidenti Emmerson Mnangagvany saltanatty qarsy alý rásiminen keiin keńeitilgen quramdaǵy kelissóz ótti.
Memleket basshysy eki el arasyndaǵy qarym-qatynastardy tereńdetýdiń mańyzdylyǵyn atap ótip, yqpaldastyqty odan ári damytýdyń negizgi baǵyttaryna arnaiy toqtaldy.
– Biz syrtqy saiasatymyzda, sonyń ishinde Afrika baǵytynda keń aýqymdy saýda qarym-qatynastaryn damytýǵa jáne halyqaralyq bastamalardy ózara qoldaýǵa umtylatyn bolamyz, – Qazaqstan Prezidenti.
Zimbabve Respýblikasynyń Prezidenti Qazaqstanǵa resmi saparmen kelýge múmkindik týǵyzyp, Zimbabve delegatsiiasyna qonaqjailylyq kórsetkeni úshin Memleket basshysyna alǵys aitty.
Kezdesý barysynda taraptar aýyl sharýashylyǵy men taý-ken ónerkásibi salalary boiynsha eki jaqty yntymaqtastyq ornatý, sondai-aq Zimbabveniń kólik-logistika jelisin jańǵyrtý jáne qaita óńdeý isinde birlesken jobalardy iske asyrý máselelerin talqylady.
