Búgin ulttyq telekópir barysynda Prezident Nursultan Nazarbaev "EKSPO" kórmesinde tanystyrylǵan jobalardy engizý tolyqtai úkimettiń jaýapkershiliginde ekenin aitty, dep habarlaidy Sputnik Qazaqstan tilshisi.
Memleket basshysynyń aitýynsha, halyqaralyq kórme alańynda tanystyrylǵan jańashyldyqtardy engizý jáne paidalaný boiynsha úkimet júieli jumys júrgizýi kerek ekenin atap ótti.
"Biz "EKSPO" halyqaralyq kórmesin sátti ótkizdik. Kórme alańynda balamaly jańartylatyn energetika salasynda 140 ǵylymi ázirleme tanystyryldy. Eki ai ótti, adamdar bizde "EKSPO" bolǵanyn umyta bastady, biraq men umytqan joqpyn. Biz kórmeni ne úshin ótkizdik, ne úshin osynshama aýqymdy jumys atqardyq? Álem elderi bizge kelip, balamaly energetika salasyndaǵy eń úzdik tehnologiialaryn tanystyrdy. Úkimet osy jańashyldyqtardy engizý, paidalaný boiynsha júieli jumys júrgizýi kerek. Sol elderge baryp, tehnologiialardyń olarda qalai jumys isteitinin, ony bizdiń elge qalai engizý kerektigin oilastyrýy qajet. Iaǵni, jańa jobalardy Qazaqstanda engizý men paidalaný boiynsha barlyq jaýapkershilik úkimettiń moinynda", — dedi Prezident.
Sóz sońynda Memleket basshysy "EKSPO" kórmesi aýmaǵynda "Astana" halyqaralyq qarjy ortalyǵy qurylatynyn, aýqymdy jumysqa úkimet te, parlament te, barlyǵy bir adamdai atsalysýy kerektigin aitty.
