Elbasy N.Nazarbaev Joǵary Sot Keńesiniń tóraǵasy Talǵat Donaqovty qabyldady, – dep habarlaidy Tuńǵysh Prezidenttiń resmi saity.
Kezdesý barysynda Nursultan Nazarbaevqa elimizdiń sot júiesin reformalaý jáne Ult josparyndaǵy sot kadrlaryn irikteý jáne daiyndaý boiynsha sharalardy júzege asyrý jóninde aqparat berildi.
Joǵary Sot Keńesi sot mamandaryn irikteýdi iske asyrady. Bul jumys obektivti bolýy kerek. Sýdialar naqty konkýrsqa sáikes irikteýden ótýge tiis. Olar bilimdi, adal bolýy, adamdarmen jumys istei bilýi qajet, - dedi Elbasy.
Óz kezeginde Talǵat Donaqov sýdialardy irikteýde ashyqtyqty qamtamasyz etý úshin qabyldanǵan sharalar týraly aityp berdi.
Jaǵdai ózgerip jatyr. Sýdialarǵa degen senim artyp keledi. Jumys barynsha obektivti jáne ashyq júrgizilýde. Arnaiy konkýrstyq komissiia quryldy. Oǵan sýdialarmen birge, zań qaýymdastyǵy ókilderi, HR-mamandary, táýelsiz sarapshylar kirdi. Qazirgi tańda sottarǵa baratyn kadrlardyń daiyndyǵy joǵary, jaýapkershili mol, - dedi Joǵary Sot Keńesiniń tóraǵasy.
