Basqa memleketke qashyp ketken qylmyskerler sol jaqtan ártúrli daqpyrt taratady. Nursultan Nazarbaev el tynyshtyǵy máselesi týraly osylai aitty, dep habarlaidy "Ult aqparat".
«Basqa memleketke qashyp ketken qylmyskerler sol jaqtan ártúrli daqpyrt taratady. Olardy aiaimyn. Eshkimge de kereksiz, Otansyz adamdar óziniń elinde jamanshylyq bolsa eken dep oilaidy. Ondai aramzaǵa qalai adamnyń búiregi burýy kerek. Aityńdarshy?! Qazaqstanda jaman bolsyn, Qazaqstan shýyldasyn, Qazaqstan tóbelessin, qyrylyssyn deidi. Ondai jaýyzdardyń sózin tyńdamaý kerek», - dedi Elbasy «Habar» arnasyna bergen suhbatynda.
Elbasy ulttyń aqsaqaly, janashyry retinde jastarǵa eń aldymen bilim alýǵa tyrysý kerektigin atap ótti.
«Bizdiń ómirimiz alda. Ózińniń eńbegińmen tapsań bári bolady. «Eńbek etseń erinbei, toiady qarnyń tilenbei» degen ata-babamyzdyń sózi bar ǵoi. Bilimge baýlýymyz kerek. Jaqsy bilim alsań, januiańdy da asyraisyń, eshkimge baryp tilenbeisiń. Jalpy, Qazaqstannyń otbasylary bul másele boiynsha oilanýy kerek. Arandatýǵa kónbeýi tiis. Barlyǵymyzdyń oiymyz – eldiń amandyǵy, jurttyń tynyshtyǵy. Qazaqstanymyzdyń táýelsizdigi máńgi bolýy kerek dep oilaýǵa tiispiz. Sonda ǵana dúnie júzine syily el bolamyz. Soǵan ne jetsin?!», - dedi Nursultan Nazarbaev.
