باسقا مەملەكەتكە قاشىپ كەتكەن قىلمىسكەرلەر سول جاقتان ەرتٷرلٸ داقپىرت تاراتادى. نۇرسۇلتان نازارباەۆ ەل تىنىشتىعى مەسەلەسٸ تۋرالى وسىلاي ايتتى, دەپ حابارلايدى "ۇلت اقپارات".
«باسقا مەملەكەتكە قاشىپ كەتكەن قىلمىسكەرلەر سول جاقتان ەرتٷرلٸ داقپىرت تاراتادى. ولاردى ايايمىن. ەشكٸمگە دە كەرەكسٸز, وتانسىز ادامدار ٶزٸنٸڭ ەلٸندە جامانشىلىق بولسا ەكەن دەپ ويلايدى. ونداي ارامزاعا قالاي ادامنىڭ بٷيرەگٸ بۇرۋى كەرەك. ايتىڭدارشى?! قازاقستاندا جامان بولسىن, قازاقستان شۋىلداسىن, قازاقستان تٶبەلەسسٸن, قىرىلىسسىن دەيدٸ. ونداي جاۋىزداردىڭ سٶزٸن تىڭداماۋ كەرەك», - دەدٸ ەلباسى «حابار» ارناسىنا بەرگەن سۇحباتىندا.
ەلباسى ۇلتتىڭ اقساقالى, جاناشىرى رەتٸندە جاستارعا ەڭ الدىمەن بٸلٸم الۋعا تىرىسۋ كەرەكتٸگٸن اتاپ ٶتتٸ.
«بٸزدٸڭ ٶمٸرٸمٸز الدا. ٶزٸڭنٸڭ ەڭبەگٸڭمەن تاپساڭ بەرٸ بولادى. «ەڭبەك ەتسەڭ ەرٸنبەي, تويادى قارنىڭ تٸلەنبەي» دەگەن اتا-بابامىزدىڭ سٶزٸ بار عوي. بٸلٸمگە باۋلۋىمىز كەرەك. جاقسى بٸلٸم الساڭ, جانۇياڭدى دا اسىرايسىڭ, ەشكٸمگە بارىپ تٸلەنبەيسٸڭ. جالپى, قازاقستاننىڭ وتباسىلارى بۇل مەسەلە بويىنشا ويلانۋى كەرەك. ارانداتۋعا كٶنبەۋٸ تيٸس. بارلىعىمىزدىڭ ويىمىز – ەلدٸڭ اماندىعى, جۇرتتىڭ تىنىشتىعى. قازاقستانىمىزدىڭ تەۋەلسٸزدٸگٸ مەڭگٸ بولۋى كەرەك دەپ ويلاۋعا تيٸسپٸز. سوندا عانا دٷنيە جٷزٸنە سىيلى ەل بولامىز. سوعان نە جەتسٸن?!», - دەدٸ نۇرسۇلتان نازارباەۆ.
