Adam óz ómirin qolyna alýy qajet. Bul ómirde tegin eshteńe bolmaidy. Sebebi, biz naryqtyq ekonomikalyq jaǵdaida ómir súrip jatyrmyz. Bul týraly Qazaqstan Halqy Assambleiasynyń HHV cessiiasynda QR prezidenti Nursultan Nazarbaev málimdedi, dep habarlaidy Baq.kz tilshisi.
«Óz tájiribeme súienip aitaiyn. Áreketsizdik eshbir azamatqa dáýlet ákelmeitindigin bilesizder. Jalqaýlyq týraly aityp turmyn. Adam óz ómirin qolyna alýy qajet. Muny batys (elderi – avtor) jaqsy jolǵa qoiǵan», - dedi ol.
Keiin Elbasy Keńes qoǵamynda azamattyń qalai tárbielengendigin synǵa aldy.
«Al bizdi jatyp isher jalqaýlyqqa úiretti. Iaǵni dúniege keldiń, tirkeldiń, erjettiń. Eger jaǵdai bolsa, «balabaqshaǵa barasyń, keiin oktiabrshy, pioner, komsomolshy, sońynda mektepti támamdaisyń» dedi. Ýniversitetke túsesiń, túspeseń kásibi tehnikalyq bilim alasyń. Keiin saǵan jumys, memleketten úi beriledi. Biraq ol úiden sen eshqaida kóshe almaisyń. Al kolhozshylarǵa tipti pasport ta berilmeitin. Tabytqa deiin osylai ómir súresiń. Keiin seni jerleidi. Boldy. Eshteńe isteýdiń qajeti joq. Iaǵni ómirge kelgenińnen bastap ólgenge deiingi aralyqtyń barlyǵy aldyn ala josparlanyp qoidy. Qazir ondai joq. Sondyqtan biz damyǵan joqpyz. Iaǵni árbir adamnyń óz ómirin qurýǵa, ózi jáne balalary úshin qolaily jaǵdai jasaýǵa erkindik berilgen joq», - dedi Elbasy.
Osyǵan bailanysty Memleket basshysy óz keńesin berdi.
«Óz ómirińdi qolǵa alý degenimiz ne? Eger ómir súrgiń kelse, jańa qasietterge ie bol. Aldymen ózińdi ózgert. Úkimet, ákimdik sondai degenniń ornyna ózińnen «memlekettiń damýy úshin ne istedim?» dep sura. Memleket barlyǵyn istep jatyr. Aýylda jumys joq. Alaida saǵan «qalaǵa bar, tegin bilim bereiik. Keiin jumysqa ornalastyraiyq» dedik. Al eger aýylda turǵyń kelse, mikro kredit al. Baý-baqshaǵa egin ek. Mal ósir. Saýda sat. Ómir súr. Basqa ne kerek?! Biz óz balalarymyzǵa ómirdegi kóptegen jaǵdai ózimizge bailanysty ekendigin aitýymyz kerek. Tegin eshteńe bolmaidy. Biz naryqtyq ekonomikalyq jaǵdaida ómir súrip jatyrmyz», - dep túiindedi oiyn Prezident.
.jpg)