Qazaqstannyń Tuńǵysh Prezidenti - Elbasy Nursultan Nazarbaev Japoniianyń imperatory Narýhitonyń taqqa otyrýyna arnalǵan resmi sharaǵa qatysyp jatyr, – dep habarlaidy «Ult aqparat».
177 eldiń delegatsiiasy qatysyp jatqan saltanatty shara Imperator saraiynyń «Matsu-no-Ma» memlekettik zalynda ótýde. Zalǵa aldymen imperator Narýhito kirip, taqqa otyrdy. Ile-shala onyń jubaiy patshaiym Masako zalǵa ótip ornyna jaiǵasqannan keiin mártebeli meimandar oryndarynan turyp, imperatorǵa qurmet kórsetti.
Jalpy imperator Narýhitonyń taqqa otyrýyna arnalǵan saltanatty sharaǵa Shvetsiia, Esvatini, Lesoto, Kambodja, Býtan, Tongo, Niderlandy, Ispaniia, Belgiia, Malaiziia korolderi, Túrikmenstan, Qyrǵyzstan, Togo, Niger, Finliandiia, Vengriia, Keniia, Bangladesh syndy elderdiń Prezidentteri kelgen.
Narýhito mamyr aiynan bastap bilikti óz qolyna alǵanymen, Hrizantema taǵyna resmi túrde búgin otyrady. Atalǵan kún eldegi bilik aýysýyn retteitin ejelgi japon jyl sanaǵyna sáikes tańdalǵan. Merekeni atap ótý úshin japon halqyna 22 qazanda birkúndik demalys berildi.
1989 jyldyń 7 qańtarynda Japoniianyń murager hanzadasy retinde resmi jariialanǵan Narýhitonyń birqatar ulttyq jáne sheteldik nagradasy, sonymen qatar Oksford ýniversitetiniń doktory syndy qurmetti ataqtary bar.
