قازاقستاننىڭ تۇڭعىش پرەزيدەنتٸ - ەلباسى نۇرسۇلتان نازارباەۆ جاپونييانىڭ يمپەراتورى نارۋحيتونىڭ تاققا وتىرۋىنا ارنالعان رەسمي شاراعا قاتىسىپ جاتىر, – دەپ حابارلايدى «ۇلت اقپارات».
177 ەلدٸڭ دەلەگاتسيياسى قاتىسىپ جاتقان سالتاناتتى شارا يمپەراتور سارايىنىڭ «Matsu-no-Ma» مەملەكەتتٸك زالىندا ٶتۋدە. زالعا الدىمەن يمپەراتور نارۋحيتو كٸرٸپ, تاققا وتىردى. ٸلە-شالا ونىڭ جۇبايى پاتشايىم ماساكو زالعا ٶتٸپ ورنىنا جايعاسقاننان كەيٸن مەرتەبەلٸ مەيماندار ورىندارىنان تۇرىپ, يمپەراتورعا قۇرمەت كٶرسەتتٸ.
جالپى يمپەراتور نارۋحيتونىڭ تاققا وتىرۋىنا ارنالعان سالتاناتتى شاراعا شۆەتسييا, ەسۆاتيني, لەسوتو, كامبودجا, بۋتان, تونگو, نيدەرلاندى, يسپانييا, بەلگييا, مالايزييا كورولدەرٸ, تٷرٸكمەنستان, قىرعىزستان, توگو, نيگەر, فينلياندييا, ۆەنگرييا, كەنييا, بانگلادەش سىندى ەلدەردٸڭ پرەزيدەنتتەرٸ كەلگەن.
نارۋحيتو مامىر ايىنان باستاپ بيلٸكتٸ ٶز قولىنا العانىمەن, حريزانتەما تاعىنا رەسمي تٷردە بٷگٸن وتىرادى. اتالعان كٷن ەلدەگٸ بيلٸك اۋىسۋىن رەتتەيتٸن ەجەلگٸ جاپون جىل ساناعىنا سەيكەس تاڭدالعان. مەرەكەنٸ اتاپ ٶتۋ ٷشٸن جاپون حالقىنا 22 قازاندا بٸركٷندٸك دەمالىس بەرٸلدٸ.
1989 جىلدىڭ 7 قاڭتارىندا جاپونييانىڭ مۇراگەر حانزاداسى رەتٸندە رەسمي جارييالانعان نارۋحيتونىڭ بٸرقاتار ۇلتتىق جەنە شەتەلدٸك ناگراداسى, سونىمەن قاتار وكسفورد ۋنيۆەرسيتەتٸنٸڭ دوكتورى سىندى قۇرمەتتٸ اتاقتارى بار.
