Foto:weproject.media
Joǵary aýdit palatasynyń tóraǵasy Álihan Smaiylov Nazarbaev ýniversitetinde 73 mlrd teńgege tiimsiz josparlaý men paidalaný faktileri anyqtalǵanyn aitty, -dep habarlaidy ult.kz.
"Negizgi kemshilikter, birinshiden ýniversitet áli kúnge deiin respýblikalyq biýdjetke táýeldi bolyp otyr. Burynǵy derbestigine, prezidenttiń kómegine, salyqtan bosatylǵanyna qaramastan áli de ýniversitet 97 paiyzben biýdjetten qarjylandyrylady. Strategiialyq qujat boiynsha ýniversitet basqa kózden qarjy tabýy kerek bolǵan. Biraq bul jumys áli de tiimdi jumys istemei jatyr", – deidi Smaiylov.
Álihan Smaiylovtyń sózinshe qoldanystaǵy zań ýniversitetti qarjylyq esep usynýǵa mindettemeidi jáne bul ýniversitet jumysynyń ashyqtyǵyna keri áserin tigizedi.
"Aýdittiń nátijesi boiynsha 73 mlrd teńgege tiimsiz josparlaý men tiimsiz paidalaný faktilerin anyqtadyq. Sonymen birge jarty mlrd teńgege qarjylyq buzýshylyqtardy anyqtadyq. Ýniversitetterdiń strategiialyq seriktesteri – taýarlar men qyzmetterdi konkýrssyz, bir kózden berip otyr. Buny da biz durys emes dep esepteimiz. Ǵylymi zertteýlerdiń kommertsiialanýy da óte tómen. Sondyqtan, osy kemshilikter boiynsha aýditorlar ýniversitetke jáne úkimetke tiisti usynystaryn berdi», -dep otyr ol.
