Ystyq kóldiń jaǵasynda Túrki elderi yntymaqtastyq keńesiniń VI sammiti bastaldy, dep xabarlaidy QazAqparat tilshisi.
«Jastar saiasaty jáne ulttyq sport túrleri salasyndaǵy yntymaqtastyq» taqyrybyndaǵy biylǵy sammitke keńeske múshe Qazaqstan, Qyrǵyzstan, Túrkiia men Ázerbaijan prezidentteri qatysýda. Sondai-aq, jiynǵa Ózbekstan prezidenti Shavkat Mirzieev pen Majarstannyń Premer-Ministri Viktor Orban keldi.
Otyrys Shyńǵys Aitmatov atyndaǵy mýzeide ótýde. Sammiti QR Prezidenti Nursultan Nazarbaev ashty.
«Túrki tildes elderi yntymaqtastyq keńesiniń kópten kútken sammitinde sizdermen kezdesip otyrǵanyma óte qýanyshtymyn. Eń aldymen qyrǵyz eliniń jaýhary - Ystyq kóldiń jaǵasynda qonaqjai kóńilmen qarsy alǵan qyrǵyz eli men onyń prezidenti Sooronbai Jeenbekovke airyqsha alǵysymyzdy bildiremiz. Sonymen qatar, aramyzda otyrǵan Ózbekstan prezidenti Shavkat Miromonuly Mirziioevke qosh keldińiz deimiz. Búgingi jiynǵa arǵy babalary túrki tektes Majarstannyń Premer-Ministri Viktor Orban myrzanyń qatysyp otyrǵanyn erekshe atap ótkim keledi. Qadirli qonaqtardyń búgingi basqosýǵa kelýi Túrki keńesiniń aiasy keńeiip, mańyzy artqanyn kórsetedi. Sammitte qol jetkizgen ýaǵdalastyq pen sheshimderdiń arqasynda ózara yntymaqtastyǵymyz ben baýyrlastyq bailanystarymyz odan ary artady degen senimdemin», - dedi Elbasy.
Sammit barysynda birqatar qujattarǵa qol qoiylady. Sondai-aq, keńes músheleri Sholpan-Ata deklaratsiiasyn qabyldaidy dep josparlanýda. Al uiymnyń Bas xatshysy qyzmetine Qazaqstannyń ókili sailanady. Memleket basshysy Túrki keńesiniń tóraǵalyǵyn resmi túrde Qyrǵyzstanǵa tapsyrady.
Aita keteiik, Túrki elderiniń yntymaqtastyq keńesi QR Prezidenti Nursultan Nazarbaevtyń bastamasymen qurylǵan bolatyn. Keńestiń alǵashqy sammiti 2011 jyly Almaty qalasynda ótti. Uiymnyń negizgi maqsaty - túrki elderi arasyndaǵy mádeni-rýxani bailanystardy damytý.
Búginde keńestiń quramyna Qazaqstan, Qyrǵyzstan, Túrkiia men Ázerbaijan kiredi. Uiymnyń janynda syrtqy ister ministrleriniń keńesi jáne aqsaqaldar keńesi jumys jasaidy. Olar Túrki keńesiniń jumysyn uiymdastyryp, rettep otyrady. Keńeske qarasty tórt negizgi uiym bar. Olar - Túrki mádenieti men ónerin damytý (TÚRKSOY) halyqaralyq uiymy, Túrki tildes elderdiń Parlamenttik Assambleiasy (TÚRKPA), Túrki akademiiasy xalyqaralyq uiymy (TWESCO) jáne «Miras» Túrki mədenietiniń qory. Budan bólek, Túrki keńesiniń aiasynda Iskerlik keńes jumys isteidi. Onyń negizgi maqsaty - shaǵyn jáne orta biznes salalaryndaǵy yntymaqtastyqty nyǵaitý, jalpy investitsiialyq klimatty jaqsartý. Biylǵy sammit qarsańynda III Dúniejúzilik
Biylǵy sammit qarsańynda III Dúniejúzilik kóshpendiler oiyndary resmi túrde ashyldy. Saltanatty sharaǵa QR Prezidenti Nursultan Nazarbaev ta qatysty.
