Tuńǵysh Prezident-Elbasy tulǵasyna arnalǵan «Qazaq. Altyn adam tarihy» filminiń rejicseri Igor Lopatenok kadrǵa kirmei qalǵan sátter kitap bolyp shyǵatynyn aitty, dep habarlaidy QazAqparat.
«Filmniń segiz epizodyna enbegen sátter boldy. Sondyqtan biz kitap shyǵaramyz, onyń 700-ge jýyq betine óńdelmegen materialdar kiredi. Jýyq arada osy isti qolǵa alamyz» - dedi Igor Lopatenok BAQ ókilderine.
Rejisser týyndy búkil álem kórermenderine arnalǵanyn, sol arqyly Qazaqstan men onyń kóshbasshysyn tanytý josparlanǵanyn atap ótti.
«Biz Eýropa men Aziiadaǵy, Amerikadaǵy birneshe festivalge qatysamyz. Men qazir bárin aldyn ala aitqym kelmeidi. Biraq konkýrstarǵa qatyspas edik. Óitkeni kadrda Oliver Stoýn men Nursultan Nazarbaev bolǵanda jetistikke jetý ońai. Al konkýrsqa filmniń biýdjetine aqshany áreń tapqan táýelsiz kinematografister qatysýy múmkin. Men olardyń eńbegin esh etkim kelmeidi», - dedi Igor Lopatenok.
