Saiasattanýshy Daniiar Áshimbaev qańtardyń basyndaǵy qaqtyǵystar kezinde tuńǵysh prezident Nursultan Nazarbaevtyń ne sebepti halyq aldyna shyqpaǵanyn túsindirdi, dep habarlaidy Sputnik Qazaqstan.
"Qazir bárin bir suraq mazalap júr. Nege Nazarbaev erterek shyqpady? Biraq qaita-qaita shyǵyp, "Bizdiń prezidentimiz – Toqaev, sony tyńdańyzdar" dep aita berse, bárin soǵan kóndirgendei, al shyn máninde ózi bilik júrgizip otyrǵandai kórinetin edi. Dál sol jaǵdaida naqty bir kóshbasshy kerek bolǵan", - dedi Áshimbaev Ia-centr.ru saityna bergen suhbatynda.
Onyń oiynsha, Nazarbaev 18 qańtarda qazaqstandyqtarǵa úndeý joldaǵanda prezident Qasym-Jomart Toqaevqa qoldaý bildirý úshin ǵana emes, Qazaqstannan qashyp ketkeni týraly alypqashpa áńgimeni de joqqa shyǵarýdy oilaǵan. Al efirge araǵa eki apta salyp shyǵýdyń ózindik sebebi bar.
"Endi, ol ne isteidi? Kún saiyn qolyna jańa gazet nómirin ustap, efirge shyǵa ma? Ol 82 jasqa jaqyndap qalǵan adam. Halyqtyń aldynda qaita-qaita sóilegennen ne paida? Elde naqty lider bar. Ol – óziniń izbasary. Sosyn baspasóz qyzmeti de Nazarbaevtyń qalada jáne prezidentpen bailanysta ekenin aitty ǵoi", - dep atap ótti saiasattanýshy.
Sarapshynyń oiynsha, Toqaev eki jyldyń ishinde kóshbasshylyq bedelge ie boldy.
"Ol erik-jigeri bar ekenin, qatań talap qoia alatynyn kórsetti. Shynyn aitý kerek, kóbisi ondai minezdi kútpegen. Biraq onyń stili basqasha. Barlyǵy Toqaev tuńǵysh prezident siiaqty bolady dep kútken. Alaida olar eki túrli adam, bireý jumysshylardyń arasynan shyqqan, ekinshisi – kadrlyq diplomat. Iá, ekeýi de bir baǵytty ustanady. Degenmen ádis-tásilderi ártúrli", - dedi Áshimbaev.
Saiasattanýshy Nazarbaev pen Toqaevtyń arasynda kelispeýshilik joq dep sanaidy.
