ساياساتتانۋشى دانييار ەشٸمباەۆ قاڭتاردىڭ باسىنداعى قاقتىعىستار كەزٸندە تۇڭعىش پرەزيدەنت نۇرسۇلتان نازارباەۆتىڭ نە سەبەپتٸ حالىق الدىنا شىقپاعانىن تٷسٸندٸردٸ, دەپ حابارلايدى Sputnik قازاقستان.
"قازٸر بەرٸن بٸر سۇراق مازالاپ جٷر. نەگە نازارباەۆ ەرتەرەك شىقپادى? بٸراق قايتا-قايتا شىعىپ, "بٸزدٸڭ پرەزيدەنتٸمٸز – توقاەۆ, سونى تىڭداڭىزدار" دەپ ايتا بەرسە, بەرٸن سوعان كٶندٸرگەندەي, ال شىن مەنٸندە ٶزٸ بيلٸك جٷرگٸزٸپ وتىرعانداي كٶرٸنەتٸن ەدٸ. دەل سول جاعدايدا ناقتى بٸر كٶشباسشى كەرەك بولعان", - دەدٸ ەشٸمباەۆ Ia-centr.ru سايتىنا بەرگەن سۇحباتىندا.
ونىڭ ويىنشا, نازارباەۆ 18 قاڭتاردا قازاقستاندىقتارعا ٷندەۋ جولداعاندا پرەزيدەنت قاسىم-جومارت توقاەۆقا قولداۋ بٸلدٸرۋ ٷشٸن عانا ەمەس, قازاقستاننان قاشىپ كەتكەنٸ تۋرالى الىپقاشپا ەڭگٸمەنٸ دە جوققا شىعارۋدى ويلاعان. ال ەفيرگە اراعا ەكٸ اپتا سالىپ شىعۋدىڭ ٶزٸندٸك سەبەبٸ بار.
"ەندٸ, ول نە ٸستەيدٸ? كٷن سايىن قولىنا جاڭا گازەت نٶمٸرٸن ۇستاپ, ەفيرگە شىعا ما? ول 82 جاسقا جاقىنداپ قالعان ادام. حالىقتىڭ الدىندا قايتا-قايتا سٶيلەگەننەن نە پايدا? ەلدە ناقتى ليدەر بار. ول – ٶزٸنٸڭ ٸزباسارى. سوسىن باسپاسٶز قىزمەتٸ دە نازارباەۆتىڭ قالادا جەنە پرەزيدەنتپەن بايلانىستا ەكەنٸن ايتتى عوي", - دەپ اتاپ ٶتتٸ ساياساتتانۋشى.
ساراپشىنىڭ ويىنشا, توقاەۆ ەكٸ جىلدىڭ ٸشٸندە كٶشباسشىلىق بەدەلگە يە بولدى.
"ول ەرٸك-جٸگەرٸ بار ەكەنٸن, قاتاڭ تالاپ قويا الاتىنىن كٶرسەتتٸ. شىنىن ايتۋ كەرەك, كٶبٸسٸ ونداي مٸنەزدٸ كٷتپەگەن. بٸراق ونىڭ ستيلٸ باسقاشا. بارلىعى توقاەۆ تۇڭعىش پرەزيدەنت سيياقتى بولادى دەپ كٷتكەن. الايدا ولار ەكٸ تٷرلٸ ادام, بٸرەۋ جۇمىسشىلاردىڭ اراسىنان شىققان, ەكٸنشٸسٸ – كادرلىق ديپلومات. يە, ەكەۋٸ دە بٸر باعىتتى ۇستانادى. دەگەنمەن ەدٸس-تەسٸلدەرٸ ەرتٷرلٸ", - دەدٸ ەشٸمباەۆ.
ساياساتتانۋشى نازارباەۆ پەن توقاەۆتىڭ اراسىندا كەلٸسپەۋشٸلٸك جوق دەپ سانايدى.
