Nursultan Nazarbaev Astanaǵa Shanhai yntymaqtastyq uiymyna múshe elderi qaýipsizdik keńesi hatshylarynyń 12-kezdesýine kelgen delegatsiia basshylaryn qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidenti alǵy sózinde Astanada Shanhai yntymaqtastyq uiymynyń sammiti aldynda osyndai shara ótkizýdiń mańyzdy ekenin aityp ótti.
"Biz Sankt-Peterbýrgtegi oqiǵaǵa bailanysty Reseidiń barlyq azamatyna kóńil aitamyz. Bul terrorizm men ekstremizmniń eshqandai da sheginiń joq ekenin, qaýip-qaterdiń áli de saqtalyp turǵanyn kórsetedi. Osyǵan bailanysty memleket basshylary qaýipsizdik keńesi hatshylarynyń jumysyna asa nazar aýdarady", - dedi Qazaqstan Prezidenti.
