Memleket basshysy Mysyr Arab Respýblikasynyń Prezidenti Ábdel Fattah As-Sisige kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidenti Bir ál-Abd qalasynyń meshitindegi terrorlyq akt saldarynan kóptegen adamnyń qaza bolyp, zardap shekkeni týraly habardy zor kúizelispen qabyldady.
«Qazaqstan halqy jáne jeke ózimniń atymnan Sizge, sondai-aq qaza bolǵandardyń otbasylary men jaqyndaryna kóńil aityp, orny tolmas qaiǵyǵa ortaqtastyǵymdy bildiremin. Qaiǵyly oqiǵa kezinde zardap shekkenderdiń tezirek saýyǵyp ketýine tilektespin.
Biz beibitshilik pen qaýipsizdikke qarsy baǵyttalǵan ekstremizm men halyqaralyq terrorizmniń kez kelgen túrin qatań aiyptaimyz.
Elderimizdiń beibit ómiri men qaýipsizdigin qamtamasyz etý úshin qazirgi zamanǵy qaýip-qaterlerge qarsy kúreste Qazaqstan Mysyrmen yntymaqtastyqty jalǵastyrýǵa árqashan daiyn», - delingen jedelhatta.
