Qazaqstan Prezidenti Nursultan Nazarbaev eńbek jáne halyqty áleýmettik qorǵaý ministri Tamara Dúisenovaǵa suraq qoidy, - dep habarlaidy Tengrinews.kz tilshisi.
"Mindetti áleýmettik meditsinalyq saqtandyrýdy engizýdi keiingi qaldyrýǵa týra keldi. Basty sebep ózin-ózi jumyspen qamtyǵan halyqty osyǵan jumyldyrý problemasy boldy. Olar salyq tólemeidi, qysqasy olar kóleńkede qalyp júr", - dedi Prezident.
"Men kem degende bes jyl ýaqyt boiy osy jaily birneshe ret aittym. Naqty tapsyrmalar berdim. Alaida onymen eshkim ainalysqan joq. Ministr Dúisenovaǵa birneshe ret aittym. Ne boldy, Tamara, álde sen myna jumysta sharshadyń ba?", - dedi Nazarbaev eńbek jáne halyqty áleýmettik qorǵaý ministrine.
Ministr Tamara Dúisenova óz kezeginde vedomstvonyń kóp jumys atqarǵanyn aityp ótti.
"Nursultan Ábishuly, biz kóp jumys atqardyq. Búginde sizdiń tapsyrmańyzben barlyq 18 million adamnyń statýsyn anyqtadyq. 2,7 million ózin-ózi jumyspen qamtyǵandardyń 1,5 milliony qaldy. Olarǵa qatysty málimetter óńirlerdiń ákimderine berildi", - dedi Dúisenova.
Aita keteiik, keńeitilgen otyrys úkimet ǵimaratynda ótip jatyr.
Nazarbaev otyrystyń jospary men baiandamalardyń kezegi jaily aityp, premer-ministr Baqytjan Saǵyntaevqa sóz berdi.
