Nursultan Nazarbaev Japoniia Parlamentiniń Qazaqstan Respýblikasymen dostyq ligasynyń tóraǵasy Takeo Kavamýramen kezdesti, dep habarlaidy "Ult aqparat".
Kezdesý barysynda Elbasy Japoniia parlamenttik dostyq ligasynyń eki memleket arasyndaǵy yntymaqtastyqty nyǵaitýǵa baǵyttalǵan qyzmetiniń nátijelerin atap ótti.
- Premer-Ministr Sindzo Abeniń Qazaqstanǵa sońǵy sapary kezinde biz strategiialyq seriktestigimizdi edáýir nyǵaittyq. Bizdiń ekonomikalyq yntymaqtastyqta biraz ózgeris bar. Bul joly Úkimettiń shaqyrýymen Imperator Narýhitonyń taqqa otyrý rásimine qatysý úshin keldim, - dedi Qazaqstannyń Tuńǵysh Prezidenti.
Nursultan Nazarbaev Qazaqstan men Japoniia halyqtarynyń órkendeýi jolynda parlamentaralyq bailanystardy odan ári damytýdyń erekshe mańyzdylyǵyn atap ótti.
Óz kezeginde Takeo Kavamýra táýelsizdik jyldarynda Tuńǵysh Prezidenttiń basshylyǵymen qol jetken Qazaqstannyń ósý qarqynyn oń baǵalady.
Sondai-aq, Japoniia parlamenttik dostyq ligasynyń tóraǵasy Qazaqstanǵa jasaǵan sońǵy sapary jaily jáne sapar aiasynda ótkizilgen kezdesýler týraly egjei-tegjeili aityp berdi.
