نۇرسۇلتان نازارباەۆ جاپونييا پارلامەنتٸنٸڭ قازاقستان رەسپۋبليكاسىمەن دوستىق ليگاسىنىڭ تٶراعاسى تاكەو كاۆامۋرامەن كەزدەستٸ, دەپ حابارلايدى "ۇلت اقپارات".
كەزدەسۋ بارىسىندا ەلباسى جاپونييا پارلامەنتتٸك دوستىق ليگاسىنىڭ ەكٸ مەملەكەت اراسىنداعى ىنتىماقتاستىقتى نىعايتۋعا باعىتتالعان قىزمەتٸنٸڭ نەتيجەلەرٸن اتاپ ٶتتٸ.
- پرەمەر-مينيستر سيندزو ابەنٸڭ قازاقستانعا سوڭعى ساپارى كەزٸندە بٸز ستراتەگييالىق سەرٸكتەستٸگٸمٸزدٸ ەدەۋٸر نىعايتتىق. بٸزدٸڭ ەكونوميكالىق ىنتىماقتاستىقتا بٸراز ٶزگەرٸس بار. بۇل جولى ٷكٸمەتتٸڭ شاقىرۋىمەن يمپەراتور نارۋحيتونىڭ تاققا وتىرۋ رەسٸمٸنە قاتىسۋ ٷشٸن كەلدٸم, - دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ قازاقستان مەن جاپونييا حالىقتارىنىڭ ٶركەندەۋٸ جولىندا پارلامەنتارالىق بايلانىستاردى ودان ەرٸ دامىتۋدىڭ ەرەكشە ماڭىزدىلىعىن اتاپ ٶتتٸ.
ٶز كەزەگٸندە تاكەو كاۆامۋرا تەۋەلسٸزدٸك جىلدارىندا تۇڭعىش پرەزيدەنتتٸڭ باسشىلىعىمەن قول جەتكەن قازاقستاننىڭ ٶسۋ قارقىنىن وڭ باعالادى.
سونداي-اق, جاپونييا پارلامەنتتٸك دوستىق ليگاسىنىڭ تٶراعاسى قازاقستانعا جاساعان سوڭعى ساپارى جايلى جەنە ساپار اياسىندا ٶتكٸزٸلگەن كەزدەسۋلەر تۋرالى ەگجەي-تەگجەيلٸ ايتىپ بەردٸ.
