Elbasy Nursultan Nazarbaev Sybailas jemqorlyqqa qarsy is-qimyl agenttiginiń tóraǵasy Marat Ahmetjanovty qabyldady, dep habarlaidy "Ult aqparat".
QR Tuńǵysh Prezidentiniń resmi saitynda málim etilgendei, N.Nazarbaev táýelsizdik jyldarynda Qazaqstanda sybailas jemqorlyqqa qarsy kúres máseleleri boiynsha aýqymdy is atqarylǵanyn atap ótti.
«Biz táýelsizdiktiń alǵashqy kúnderinen bastap jemqorlyqqa qarsy kúres salasynda jumys istep kelemiz. Degenmen áli de atqarylatyn sharýa az emes. Bul protseske qoǵamdy jumyldyrǵan jón. Osy baǵytta álemdik tájiribe jetkilikti, sony zertteýdi jáne qoldanysqa engizýdi jalǵastyrý kerek», – dedi Elbasy.
Kezdesýde M.Ahmetjanov Sybailas jemqorlyqqa qarsy is-qimyl agenttiginiń jemqorlyq qaterlerin taldaý jáne aldyn alý, sybailas jemqorlyq salasyndaǵy halyqaralyq yntymaqtastyqty nyǵaitý sharalary týraly aitty. Sondai-aq agenttik qyzmetiniń tiimdiligin odan ári arttyrý josparyn baiandady. Agenttik tóraǵasynyń málimeti boiynsha, sońǵy 5 jylda Qazaqstannyń Sybailas jemqorlyqty qabyldaý indeksindegi pozitsiiasy jaqsaryp, 122-shi orynnan 94-shi orynǵa aýysty.
