Qazaqstan Prezidenti Nursultan Nazarbaev Bes áleýmettik bastama boiynsha stýdent jastarǵa grant bólýde nelikten tehnikalyq mamandyqtarǵa mańyz beriletinin aitty, dep habarlaidy QazAqparat tilshisi.
«Úshinshi bastama - joǵary bilim alýdyń sapasyna qatysty bolyp otyr. Biz granttardyń sanyn arttyryp jatyrmyz. Bul rette, ásirese tehnikalyq mamandyqtarǵa basa mańyz beriledi. Bizde bul jerde defitsit bar. Biz jańa kásiporyndardy engizip, indýstriialandyrýdy júzege asyrýdy qolǵa aldyq. Al ol jerde bizge kadrlar kerek. Sońǵy jyldary bári de zańger men ekonomist bolǵysy keledi. Olar bizde jetkilikti. Bizdegi bilim júiesi jyldan jylǵa sapaly túrde ósip keledi. Sondyqtan Qazaqstannyń abitýrientteri dál qazaqstandyq joǵary oqý oryndaryn tańdaýy da logikalyq turǵydan durys», - dedi Prezident elordadaǵy Beibitshilik jáne kelisim saraiynda ótken Qazaqstan halqy Assambleiasynyń XXVI sessiiasynda.
Sonymen birge, Memleket basshysy stýdentterdiń jataqhana máselesin sheshý de mańyzdy ekenin alǵa tartty.
«Olar (jataqhanalar - avt.) túnep shyǵatyn ǵana oryn emes, turýǵa tolyǵymen turarlyq orynǵa ainalýy kerek. Meniń oiymsha, osy qadam arqyly biz stýdent jastarǵa úlken kómek kórsetetin bolamyz. Bul olardyń durys oqýyna jáne bolashaǵyna kerek», - dedi Prezident.
Aita ketsek, elordadaǵy Beibitshilik jáne kelisim saraiynda Elbasy Nursultan Nazarbaevtyń tóraǵalyǵymen Qazaqstan halqy Assambleiasynyń XXVI sessiiasy ótti.
