QR Tuńǵysh Prezidenti Nursultan Nazarbaev Koreia Halyqtyq-Demokratiialyq Respýblikasynyń iadrolyq qarý shielenisi týraly pikir bildirdi, dep habarlaidy "Ult aqparat".
«Bizdi Aziia keńistigindegi militarizatsiia úrdisi, atap aitqanda Soltústik Koreia ainalasyndaǵy shielenis alańdatady. Máseleniń jalǵyz sheshimi – BUU Qaýipsizdik Keńesiniń barlyq qatysýshylary tarapynan Soltústik Koreia qaýipsizdiginiń pármendi kepildigin jasap shyǵarý dep oilaimyn. Bul Soltústik Koreiany iadrolyq baǵdarlamasyn toqtata turý jónindegi sáikes ýaǵdalastyqty tezirek ornatýǵa itermeleidi», - dedi Elbasy Astana club plenarlyq otyrysynyń ashylýynda.
Onyń aitýynsha, taǵy bir mańyzdy qadam – Phenian men Seýl arasyndaǵy senim sharalary katalogyn jasaý.
«Bul Korei túbegindegi jaǵdaidy turaqtandyrar edi. Atalǵan máselelerdi egjei-tegjeili talqylaý úshin AÓSShK (Aziiadaǵy ózara yqpaldastyq jáne senim sharalary keńesi) alańyn paidalanýdy usynamyn», - dedi Nursultan Nazarbaev.
