Nursultan Nazarbaev belgili aqyn, Qazaqstannyń eńbek sińirgen qairatkeri Shómishbai Sarievtiń qaitys bolýyna bailanysty otbasy men týǵan-týystaryna kóńil aitý jedelhatyn joldady. Bul týraly elbasy.kz saityp habarlady.
Qazaqstannyń Tuńǵysh Prezidenti belgili aqyn, Qazaqstannyń eńbek sińirgen qairatkeri Shómishbai Sarievtiń ómirden ótýine bailanysty aýyr qaiǵyǵa ortaqtasyp, kóńil aitty.
«Shómishbai Naǵashybaiuly qazaq poeziiasynyń kórnekti ókili, táýelsiz elimizdiń shynaiy patrioty retinde ulttyq ádebietimiz ben rýhaniiatymyzdyń damýyna súbeli úlesin qosyp, artyna mol mura qaldyrdy. Ol qalyń oqyrmanǵa lirikalyq jyrlarymen qatar kóptegen án mátinderi arqyly keńinen tanylǵan talant iesi bolatyn.
Kópshiliktiń ystyq yqylasyna bólengen qarymdy qalamger, daryndy tulǵa, abzal azamattyń ǵibratty ǵumyry men jarqyn beinesi jurtshylyq jadynda árdaiym saqtalady dep senemin», – delingen jedelhatta.
Qazaqstannyń eńbek sińirgen qairatkeri Shómishbai Sariev 75 jasqa qaraǵan shaǵynda qaitys boldy.
