Nursultan Nazarbaev Sheteldik investorlar keńesiniń 31-plenarlyq otyrysyna qatysty, - dep habarlaidy "Ult aqparat".
Jiynda tsifrlyq transformatsiia, jańa tehnologiialardy qoldaný jáne ekonomikanyń odan ári damý perspektivalary jónindegi máseleler talqylandy.
Memleket basshysy basqosýda sóilegen sózinde Sheteldik investorlar keńesiniń Qazaqstandaǵy biznes ahýalyn jaqsartýǵa jáne ulttyq ekonomikany qoldaýǵa baǵyttalǵan jumystarynyń nátijelerine toqtaldy.
Nursultan Nazarbaev Sheteldik investorlar keńesiniń plenarlyq otyrysyna qatysýshylardyń baiandamalaryn tyńdaǵan soń, Qazaqstannyń jahandyq syn-qaterler jaǵdaiynda ulttyq ekonomikanyń turaqtylyǵyn qamtamasyz etý úshin atqaryp jatqan sharalary jóninde aitty.
– Búginde biz qarqyndy jahandyq ózgeristerdiń kýási bolyp, soǵan bailanysty qiyndyqtardy bastan ótkerip otyrmyz. Olardy eńserý úshin men byltyr Úshinshi jańǵyrý mindetin qoidym. Makroekonomikalyq turaqtylyq qamtamasyz etilip, biznes ahýaly jaqsaryp keledi, – dedi Qazaqstan Prezidenti.
Nursultan Nazarbaev eldiń odan ári jańǵyrýy men básekege qabilettiligin arttyrý úshin atqarylatyn jumystyń birneshe baǵytyn atap kórsetti.
– Birinshi. Bul – retteýshi ortany jaqsartý. Jer qoinaýy jáne jer qoinaýyn paidalaný týraly kodeks, Salyq jáne Keden kodeksteri siiaqty jańa qujattar kúshine endi. Kásipkerlikti retteý máseleleri jónindegi zańnamalyq túzetýler toptamasy qabyldandy. Barlyq baǵyttar boiynsha Ekonomikalyq yntymaqtastyq jáne damý uiymynyń standarttary engizilýde, – dedi Memleket basshysy.
Qazaqstan Prezidenti quqyq ústemdigin qamtamasyz etýge jáne memlekettik basqarý isiniń sapasyna erekshe nazar aýdarý qajettigin atap ótti.
– Ekinshi. Bul – ekonomikany diversifikatsiialaý jáne jańa tehnologiialardy engizý. Elimiz boiynsha indýstriialandyrý aiasynda 1200-den astam jańa kásiporyn iske qosyldy. Investitsiialyq jáne eksporttyq strategiialar júzege asyrylýda, – dedi Nursultan Nazarbaev.
Sonymen qatar, Memleket basshysy transulttyq korporatsiialarmen birge iri jobalardy júzege asyrýdyń, agrarlyq ǵylymdy damytýdyń, tehnologiialar transfertiniń jáne qurylys salasynyń joǵary qarqynyn qoldaýdyń mańyzdylyǵyn aitty.
Qazaqstan Prezidenti úshinshi basym baǵyt retinde infraqurylymdy jańǵyrtý qajettigin atap ótti.
– Biz Eýraziialyq mýltimodaldi kólik-tranzit habyn qalyptastyrýdamyz. Júzege asyrylyp jatqan «Nurly jol» infraqurylymdyq baǵdarlamasy eýraziialyq integratsiiany kúsheitýge jáne Qytaidyń «Bir beldeý, bir jol» bastamasymen ushtasý maqsatyna baǵyttalǵan. 5 shildede «Astana» halyqaralyq qarjy ortalyǵynyń tanystyrylym rásimi bolady. Bul ortalyq Qazaqstannyń qarjy infraqurylymynyń ózegine jáne búkil Ortalyq Aziia óńiriniń habyna ainalýǵa tiis, – dedi Nursultan Nazarbaev.
Memleket basshysy el kólemindegi jáne óńirlerdegi ekonomika salalaryn tsifrlandyrý úderisine keńinen toqtaldy.
– Tórtinshi. Bul – tsifrlandyrý. Biz «Tsifrlyq Qazaqstan» memlekettik baǵdarlamasyn júzege asyrýdy bastadyq. Tsifrlyq tehnologiiany agro-ónerkásip keshenine, kólik jáne basqa da negizgi salalardaǵy kásiporyndarymyzǵa engizý qajet, – dedi Qazaqstan Prezidenti.
Sonymen qatar, Nursultan Nazarbaev adami kapitaldy odan ári damytý qajettigi jáne bilim berý júiesin transformatsiialaýdyń mańyzdylyǵy jóninde aitty.
– Besinshi. Bul – adami kapitaldy damytý. Bilim berý júiesi ekonomikany jańǵyrtý men tsifrlandyrý arqyly transformatsiialanýy qajet. Osyǵan orai «Adami kapitaldy damytý» máselesin kelesi otyrysymyzdyń taqyryby etip alýdy usynamyn, – dedi Memleket basshysy.
Elbasy sóziniń sońynda Qazaqstan ekonomikasyn jańǵyrtý úshin birlese tiimdi jumys júrgizýdiń mańyzdy ekenin atap ótti.
Nursultan Nazarbaev Úkimetke Sheteldik investorlar keńesindegi jumys toptarynyń otyrysynda jáne búgingi basqosý barysynda aitylǵan usynystardyń bárin eskerip, qarastyrýdy tapsyrdy.
