Astana kóshelerine ornatylǵan «Sergek» beinebaqylaý kameralarynyń basym bóligi jumys istemeidi. Bul týraly elordany odan ári damytý máseleleri jónindegi májiliste Elbasy Nursultan Nazarbaev aitty, dep habarlaidy QazAqparat.
«Ákim (elorda basshysy - Áset Isekeshev) «Astana - aqyldy qala» dep barlyǵyn retimen aityp berdi. «Sergekti» baqylaýǵa alyp, qarap shyqqanda 200 beinebaqylaý kamerasynyń tek 29-y ǵana jumys isteitindigi anyqtaldy. Maqtandyńdar, biraq nátije joq», - dedi Elbasy.
Memleket basshysy qalada jol-kólik oqiǵasy jáne taǵy basqa da máseleler boiynsha oń nátije bar ekendigin atap ótti.
«Biraq 200 beinebaqylaý kamerasy bolsa, onda onyń barlyǵy da jumys isteýi tiis», - dep eskertti Nursultan Nazarbaev.
