Tuńǵysh Prezident Nursultan Nazarbaev Aimanov atyndaǵy "Qazaqfilm" AQ basshysy Aqan Sataevty qabyldady, - dep habarlaidy Elbasy.kz.
Kezdesý barysynda Nursultan Nazarbaev táýelsizdik alǵannan beri memleket árqashan óner salasyn damytýǵa erekshe kóńil bólgenin aitty.
"Sizdiń kinoindýstriiada jinaǵan tájiribeńiz mol, qoǵamda tanymaldyqa ie boldyńyz, filmderińiz túrli kinofestivalge qatysyp júldemen oralyp júr. Kórermender sizdiń "Anaǵa aparar jol", "Tomiris" jáne basqa da týyndyńyzǵa tánti boldy. Qazirgi ýaqytta sizge úlken jaýapkershilik júktelgen. Aldaǵy jumysyńyzǵa tabys tileimin", - dedi Elbasy.
Sondai-aq, Aqan Sataev Nursultan Nazarbaevqa kórkem filmder shyǵarý jónindegi jospary men otandyq kino sapasyn arttyrý úshin qabyldanyp jatqan sharalar týraly aityp berdi.
