Búgin QR Prezidenti Nursultan Nazarbaevtyń qatysýymen keńeitilgen Úkimet otyrysy ótip jatyr. Premer-ministr Qazaqstannyń 2017 jylǵy áleýmettik-ekonomikalyq damý baǵyttary týraly baiandama jasap, Joldaýdyń qalai oryndalyp jatqanyn aitty, dep habarlaidy Baq.kz tilshisi.
Prezident Baqytjan Saǵyntaevtan «sońǵy Joldaýdy oryndaý boiynsha ne istedińder?» - dep surady.
«Sońǵy Joldaý nátijesi boiynsha Úkimette jalpy ulttyq baǵdarlama qabyldandy. Sala-sala boiynsha kórsetilgen 10 mindetke sáikes ár ministrlikke tapsyrmalar berildi. Indikatorlar qoiyldy. Jyldyń sońyna deiin tapsyrmalar oryndalatyn bolady», - dep jaýap berdi Baqytjan Saǵyntaev.
Memleket basshysy premer-ministrdiń baiandamasyna «jaqsy baiandadyń, biraq samokritika joq» dep baǵa berdi.
