Nursultan Nazarbaev Resei Federatsiiasynyń Qazaqstan Respýblikasyndaǵy Tótenshe jáne ókiletti elshisi Aleksei Borodavkindi qabyldady, dep habarlaidy "Ult aqparat" elbasy.kz-ke silteme jasap.
Kezdesý barysynda taraptar eýraziialyq ekonomikalyq integratsiia aiasyndaǵy ekijaqty yntymaqtastyq pen ózara is-qimyldyń ózekti máselelerin talqylady.
Elbasy Qazaqstan men Resei arasynda qalyptasqan qarym-qatynastardyń erekshe senimdi sipatqa ie ekenin atap ótti.
– Biz on myń birlesken kásiporyn qurdyq. Resei – Qazaqstannyń eń iri ekonomikalyq seriktesi. Men jumys istegen jyldardyń bárinde biz Sizdiń elińizben jaqyn jáne senimdi qarym-qatynas ornattyq. Búgin biz barlyq ýaǵdalastyqtarymyzdy bekem ustanyp kelemiz, – dedi Qazaqstannyń Tuńǵysh Prezidenti.
Nursultan Nazarbaev eki el arasyndaǵy yntymaqtastyqty odan ári tereńdetý jáne keńeitý úshin birlesken sharalar qabyldaýdyń mańyzdylyǵyn atap ótti.
– Resei barlyq baǵytta bizdiń negizgi odaqtasymyz, seriktesimiz bolyp qala beredi. Biz qarym-qatynastarymyzdy baǵalaimyz jáne ári qarai damyta beremiz. Men buryn aitqanymdai, sanktsiialar jaǵdaiynda ekonomikanyń túrli salalarynda birlesken kásiporyndar qurýǵa erekshe nazar aýdarý kerek, – dedi Elbasy.
Qazaqstannyń Tuńǵysh Prezidenti elshilik qyzmeti aldaǵy ýaqytta da eki el arasyndaǵy dostyq qarym-qatynastardy jaqyndatýǵa jáne nyǵaitýǵa baǵyttalatynyna senim bildirdi.
– Reseide táýelsiz Qazaqstannyń negizin qalaýshy jáne sáýletshisi, Tuńǵysh Prezident – Ult kóshbasshysy retinde Sizge úlken qurmetpen qaraidy. Siz damýdyń strategiialyq baǵytyn saqtaýdyń kepili bolyp qala beresiz, – dedi Resei Federatsiiasynyń Tótenshe jáne Ókiletti Elshisi.
Sondai-aq, Resei Elshisi syrtqy saiasat pen qaýipsizdik salasyndaǵy ózara is-qimyldy odan ári nyǵaitý úshin perspektivanyń bar ekenin atap ótti.
Sonymen qatar, Elbasy Qazaqstan men Reseidiń birlesken kásiporyndaryn qurý jáne damytý, sondai-aq investitsiialyq yntymaqtastyqty jaqsartý boiynsha qabyldanyp jatqan sharalar týraly habardar etildi.
