نۇرسۇلتان نازارباەۆ رەسەي فەدەراتسيياسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ الەكسەي بوروداۆكيندٸ قابىلدادى, دەپ حابارلايدى "ۇلت اقپارات" elbasy.kz-كە سٸلتەمە جاساپ.
كەزدەسۋ بارىسىندا تاراپتار ەۋرازييالىق ەكونوميكالىق ينتەگراتسييا اياسىنداعى ەكٸجاقتى ىنتىماقتاستىق پەن ٶزارا ٸس-قيمىلدىڭ ٶزەكتٸ مەسەلەلەرٸن تالقىلادى.
ەلباسى قازاقستان مەن رەسەي اراسىندا قالىپتاسقان قارىم-قاتىناستاردىڭ ەرەكشە سەنٸمدٸ سيپاتقا يە ەكەنٸن اتاپ ٶتتٸ.
– بٸز ون مىڭ بٸرلەسكەن كەسٸپورىن قۇردىق. رەسەي – قازاقستاننىڭ ەڭ ٸرٸ ەكونوميكالىق سەرٸكتەسٸ. مەن جۇمىس ٸستەگەن جىلداردىڭ بەرٸندە بٸز سٸزدٸڭ ەلٸڭٸزبەن جاقىن جەنە سەنٸمدٸ قارىم-قاتىناس ورناتتىق. بٷگٸن بٸز بارلىق ۋاعدالاستىقتارىمىزدى بەكەم ۇستانىپ كەلەمٸز, – دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ ەكٸ ەل اراسىنداعى ىنتىماقتاستىقتى ودان ەرٸ تەرەڭدەتۋ جەنە كەڭەيتۋ ٷشٸن بٸرلەسكەن شارالار قابىلداۋدىڭ ماڭىزدىلىعىن اتاپ ٶتتٸ.
– رەسەي بارلىق باعىتتا بٸزدٸڭ نەگٸزگٸ وداقتاسىمىز, سەرٸكتەسٸمٸز بولىپ قالا بەرەدٸ. بٸز قارىم-قاتىناستارىمىزدى باعالايمىز جەنە ەرٸ قاراي دامىتا بەرەمٸز. مەن بۇرىن ايتقانىمداي, سانكتسييالار جاعدايىندا ەكونوميكانىڭ تٷرلٸ سالالارىندا بٸرلەسكەن كەسٸپورىندار قۇرۋعا ەرەكشە نازار اۋدارۋ كەرەك, – دەدٸ ەلباسى.
قازاقستاننىڭ تۇڭعىش پرەزيدەنتٸ ەلشٸلٸك قىزمەتٸ الداعى ۋاقىتتا دا ەكٸ ەل اراسىنداعى دوستىق قارىم-قاتىناستاردى جاقىنداتۋعا جەنە نىعايتۋعا باعىتتالاتىنىنا سەنٸم بٸلدٸردٸ.
– رەسەيدە تەۋەلسٸز قازاقستاننىڭ نەگٸزٸن قالاۋشى جەنە سەۋلەتشٸسٸ, تۇڭعىش پرەزيدەنت – ۇلت كٶشباسشىسى رەتٸندە سٸزگە ٷلكەن قۇرمەتپەن قارايدى. سٸز دامۋدىڭ ستراتەگييالىق باعىتىن ساقتاۋدىڭ كەپٸلٸ بولىپ قالا بەرەسٸز, – دەدٸ رەسەي فەدەراتسيياسىنىڭ تٶتەنشە جەنە ٶكٸلەتتٸ ەلشٸسٸ.
سونداي-اق, رەسەي ەلشٸسٸ سىرتقى ساياسات پەن قاۋٸپسٸزدٸك سالاسىنداعى ٶزارا ٸس-قيمىلدى ودان ەرٸ نىعايتۋ ٷشٸن پەرسپەكتيۆانىڭ بار ەكەنٸن اتاپ ٶتتٸ.
سونىمەن قاتار, ەلباسى قازاقستان مەن رەسەيدٸڭ بٸرلەسكەن كەسٸپورىندارىن قۇرۋ جەنە دامىتۋ, سونداي-اق ينۆەستيتسييالىق ىنتىماقتاستىقتى جاقسارتۋ بويىنشا قابىلدانىپ جاتقان شارالار تۋرالى حاباردار ەتٸلدٸ.
