QR Tuńǵysh Prezidenti – Elbasy Nursultan Nazarbaevtyń «Qazaqstan» respýblikalyq teleradiokorporatsiiasynyń Basqarma tóraiymy Lázzat Tanysbaiǵa bergen suhbaty negizinde «Túrkistan: kóne men keleshek kópiri» derekti filmi daiyndaldy, dep habarlaidy "Ult aqparat".
Filmde Elbasy oblys mártebesine ie bolǵan Túrkistan qalasynyń qaita jańǵyrýy, tarihi sheshimniń máni men mańyzy, kóne shahardyń týristik áleýeti men halyqaralyq arenadaǵy bedeli, qalanyń keleshek josparlary týraly jan-jaqty baiandaidy.
Sonymen qatar Nursultan Nazarbaev telearnaǵa bergen suhbatynda Túrkistannyń Ortalyq Aziiadaǵy jáne túrki álemindegi orny, «Túrki áleminiń kieli jerleri» jobasy, «Kerýen-sarai» kópfýnktsionaldyq týristik kesheniniń áleýeti, qala aýmaǵyn kógaldandyrý jáne Túrkistan qalasyn túrki áleminiń mádeni-rýhani ortalyǵy retinde damytý jobalarynyń nátijesi men olardyń azamattardyń ál-aýqatyn jaqsartýdaǵy yqpaly týraly týraly aitady.
Derekti týyndy «Qazaqstan» arnasynan 1 jeltoqsan saǵat 20:00-de efirge shyǵady.
Eske salaiyq, 1 jeltoqsan kúni sondai-aq saǵat 21:40-ta «Habar» telearnasynda jýrnalist Aigúl Ádilovanyń «Portrettiń shtrihtary» derekti filminiń birinshi seriiasynyń premerasy ótedi.
