Memleket basshysy Resei Federatsiiasynyń Prezidenti Vladimir Pýtinmen telefon arqyly sóilesti, - dep habarlaidy "Ult aqparat" Aqordaǵa silteme jasap.
Eki eldiń kóshbasshylary birin-biri Uly Otan soǵysyndaǵy Jeńistiń aldaǵy merekesimen quttyqtady.
Áńgimelesý barysynda Qazaqstan men Resei Prezidentteri ekijaqty yntymaqtastyqtyń qazirgi jaǵdaiy men perspektivalaryn, sondai-aq óńirlik jáne halyqaralyq kún tártibindegi ózekti máselelerdi, sonyń ishinde Armeniiadaǵy ahýaldy talqylady.
Memleketter basshylary aldaǵy kezdesýler kestesi, atap aitqanda, biylǵy 14 mamyrda Sochi qalasynda ótetin Joǵary Eýraziialyq ekonomikalyq keńestiń otyrysyna ázirlik barysy jóninde áńgimelesti.
Osy oraida, eki eldiń kóshbasshylary Eýraziialyq ekonomikalyq odaqtyń 2017 jylǵy ishki jáne syrtqy saýda-sattyq kólemi tiisinshe 24,4 jáne 26,1 paiyzǵa óskenin atap ótip, halyqaralyq qoǵamdastyq tarapynan bul birlestikpen yntymaqtastyqty damytýǵa qyzyǵýshylyqtyń artyp otyrǵanyn aitty.
