Nursultan Nazarbaev Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy elbasy.kz.
Áńgime barysynda Qazaqstannyń Tuńǵysh Prezidenti Vladimir Pýtindi týǵan kúnimen shyn júrekten quttyqtap, myqty densaýlyq, sarqylmas kúsh-qýat pen dostas Resei halqynyń igiligi jolyndaǵy qyzmetine tabys tiledi.
Elbasy Resei Prezidentiniń eki el arasyndaǵy strategiialyq seriktestik pen odaqtastyqty nyǵaitýǵa qosqan zor úlesin erekshe atap ótti.
Sondai-aq Nursultan Nazarbaev pen Vladimir Pýtin óńirdegi qazirgi ahýaldyń damý barysyn talqylap, jahandyq kún tártibindegi ózekti taqyryptar boiynsha pikir almasty.
Sońynda taraptar Qazaqstan men Resei arasyndaǵy yntymaqtastyqtyń úlgi bolarlyqtai joǵary deńgeiin jáne qarym-qatynastardy eki eldiń múddesine sai odan ári damytýdyń keleshegi zor ekenin atap ótti.
