Nursultan Nazarbaev Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleketter basshylary áńgime barysynda biylǵy 30-31 qazanda Astanada Siriia máselesi boiynsha ótken halyqaralyq kezdesýdiń kezekti raýndynyń qorytyndylaryn talqylady. Taraptar Siriiadaǵy jaǵdaidy tolyǵymen retteý úshin Astana protsesin ári qarai jalǵastyrýdyń mańyzdylyǵyn erekshe atap ótti.
Prezidentter, sondai-aq, biylǵy 9 qarashada Cheliabinsk qalasynda ótetin Qazaqstan men Reseidiń HIV óńiraralyq yntymaqtastyǵy forýmyna daiyndyq barysyn qarastyrdy.
Budan bólek, eki eldiń kóshbasshylary ekijaqty qarym-qatynastardyń jáne halyqaralyq kún tártibiniń ózekti máselelerine nazar aýdardy.
