Nursultan Nazarbaev Ýkraina Prezidenti Petr Poroshenkomen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleketter basshylary eki jaqty yntymaqtastyqtyń ózekti máseleleri men perspektivalaryn talqylap, biyl Qazaqstan men Ýkraina arasyndaǵy bailanystardyń jandana túskenin atap ótti.
Eki el kóshbasshylary Ýkrainanyń ońtústik-shyǵysyndaǵy qazirgi ahýal jóninde pikir almasty.
Nursultan Nazarbaev Ýkraina daǵdarysyna qatysty taraptardy syndarly dialog júrgizip, kelisimge kelýge shaqyrdy, sondai-aq osy qaqtyǵysty sheshý úshin jan-jaqty qoldaý kórsetýge ázir ekenin aitty.
Ýkraina Prezidenti Petr Poroshenko Kerch buǵazy mańynda bolǵan oqiǵa jóninde málimdedi. Osyǵan orai, Qazaqstan Prezidenti bul máseleniń Ýkraina men Resei taraptary arasyndaǵy kelissózder arqyly tezirek sheshilýine niettestik bildirdi.
Memleketter basshylary aldaǵy ýaqytta da bailanysty jalǵastyra berý jóninde ýaǵdalasty.
Telefon arqyly sóilesýge Ýkraina jaǵy bastamashy boldy.
