Nursultan Nazarbaev Resei Prezidenti Vladimir Pýtinmen telefon arqyly sóilesti, - dep habarlaidy "Ult aqparat" Aqordanyń baspasóz qyzmetine silteme jasap.
Baspasóz qyzmetiniń habarlaýynsha, eki eldiń kóshbasshylary biylǵy 29-30 qańtarda Sochide ótken Siriia ulttyq dialogy kongresiniń qorytyndylaryn talqylady. Qazaqstan Prezidenti Siriia daǵdarysyn retteý úderisine Resei Federatsiiasynyń qomaqty úles qosqanyn atap ótti.
Memleketter basshylary Almaty qalasynda ótken Eýraziialyq úkimetaralyq keńes otyrysy men "Jahandyq dáýirdegi tsifrlyq kún tártibi" atty forým týraly oi bólisip, Eýraziialyq ekonomikalyq integratsiia aiasyndaǵy Qazaqstan-Resei yntymaqtastyǵy jóninde áńgimelesti.
Nursultan Nazarbaev pen Vladimir Pýtin óńirlik jáne halyqaralyq kún tártibindegi basqa da ózekti máseleler týraly pikir almasty.
