QR Prezidenti Nursultan Nazarbaev pen RF Prezidenti Vladimir Pýtin Petropavldaǵy Qazaqstan men Reseidiń Óńiraralyq yntymaqtastyǵynyń XV forýmy aiasyndaǵy kórmeni aralap kórdi, dep habarlaidy "Ult aqparat" Aqordaǵa silteme jasap.
Buǵan deiin habarlaǵanymyzdai, atalmysh forýmǵa qatysý úshin Petropavlǵa Elbasy Nursultan Nazarbaev bardy. Soltústik Qazaqstan oblysyna, sondai-aq RF Prezidenti Vladimir Pýtin bastaǵan delegatsiia saparmen keldi.
Qazaqstan men Resei basshylary eki memlekettiń týrizm salasyn damytýdyń jańa josparlary men perspektivalaryna arnalǵan kórmege bardy.
Kórmege qazaqstandyq jáne reseilik kompaniialardyń eki el turǵyndaryna arnalǵan aýqymdy týristik ónimderi qoiylǵan.
Kútilip otyrǵandai, Nursultan Nazarbaev pen Vladimir Pýtinniń qatysýymen ótetin plenarlyq otyrysta eki eldiń týrizmin damytý máseleleri talqylanady.
Forým aiasynda Qazaqstan men Reseidiń vedomstvo ókilderi, oblys basshylary týristik salanyń áleýeti jóninde tanystyrylymdar ótkizedi. Osydan keiin qol jetkizilgen ýaǵdalastyqtar boiynsha birqatar ekijaqty qujattarǵa qol qoiylatyny josparlanǵan.
Qazaqstan men Reseide týrizmdi damytýǵa arnalǵan kórmege elimizdiń barlyq óńiri, kórshi memlekettiń 11 aimaǵy, sondai-aq jetekshi týroperatorlar qatysýda. Shara barysynda birqatar kommertsiialyq qujattarǵa qol qoiyldy.
