Qazaqstan Prezidenti Nursultan Nazarbaev pen Belarýs Prezidenti Aleksandr Lýkashenko QR men BR arasyndaǵy áleýmettik-ekonomikalyq yntymaqtastyq týraly shart pen 2026 jylǵa deiingi yntymaqtastyq baǵdarlamasyna qol qoidy, dep habarlaidy QazAqparat tilshisi.
Aita keterligi, Elbasy Nursultan Nazarbaev Miniskige resmi sapary aiasynda belarýs áriptesimen shaǵyn jáne keńeitilgen quramda kelissózder júrgizgen bolatyn. Sonyń nátijesinde atalǵan qujattardan bólek eki eldiń arasynda birqatar kelisimder jasaldy. Atap aitqanda, QR men BR Syrtqy ister ministrlikteri arasyndaǵy 2018-2019 jyldarǵa arnalǵan yntymaqtastyq josparyna QR Syrtqy ister ministri Q.Ábdirahmanov pen BR Syrtqy ister ministri V.Makei, QR Úkimeti men BR Úkimetteri arasyndaǵy buqaralyq aqparat quraldary salasyndaǵy yntymaqtastyq týraly kelisimge QR Aqparat jáne kommýnikatsiialar ministri D.Abaev pen BR Aqparat ministri A.Karliýkevich, QR Úkimeti men BR Úkimeti arasyndaǵy ónerkásiptiń qorǵanys salasyndaǵy uiymdarynyń óndiristik jáne ǵylymi-tehnikalyq kooperatsiialary týraly kelisimge QR Qorǵanys jáne aeroǵarysh ónerkásibi ministri B.Atamqulov pen BR Memlekettik áskeri-ónerkásiptik komiteti tóraǵasy O.Dvigalev, QR Mádeniet jáne sport ministrligi men BR Sport jáne týrizm ministrligi arasyndaǵy 2018-2019 jyldarǵa arnalǵan dene tárbiesi jáne sport salasyndaǵy yntymaqtastyq baǵdarlamasyna QR Mádeniet jáne sport ministri A.Muhamediuly men BR Sport jáne týrizm ministri A.Shamko, QR Mádeniet jáne sport ministrligi men BR Mádeniet ministrligi arasyndaǵy mádeni yntymaqtastyq boiynsha ózara túsinistik týraly memorandýmǵa QR Mádeniet jáne sport ministri A.Muhamediuly men BR Mádeniet ministri Iu.Bondar, QR Ulttyq ǵylym akademiiasy men BR Ulttyq ǵylym akademiiasy arasynda ǵylymi-tehnikalyq yntymaqtastyq týraly kelisimshartqa QR UǴA prezidenti M.Jurynov pen BR UǴA tóralqasynyń tóraǵasy V.Gýsakov qol qoidy.
