Aqorda Qazaqstan Prezidenti Nursultan Nazarbaevtyń 1992 jyly AQSh-qa saparynda túsirilgen videonyń úzindisin jariialady, - dep habarlaidy "Ult aqparat".
1992 jyldyń 18-20 mamyr aralyǵynda Qazaqstan Prezidenti Amerika Qurama Shtattaryna tuńǵysh resmi saparmen bardy. Sapar barysynda Nursultan Nazarbaev AQSh Prezidenti Djordj Býshpen, Memlekettik hatshy Djeims Beikermen jáne ózge de ministrler, senatorlar jáne kásipkerlermen kezdesti.
Alǵashqy sapar aiasynda Qazaqstan men AQSh Úkimeti arasyndaǵy Ózara túsinistik Memorandýmyna, Kapital salýdy qoldaý men ózara qorǵaý týraly kelisimge, Saýda qatynastary týraly kelisimge jáne basqa da qujattarǵa qol qoiylǵan.
Buǵan deiin Aqorda Nursultan Nazarbaevtyń 1992 jylǵy AQSh-qa birinshi resmi saparynda túsirilgen muraǵattaǵy videony jariialaǵan bolatyn.
Eske sala keteiik, Qazaqstan Prezidenti Nursultan Nazarbaev AQSh prezidenti Donald Tramppen Vashingtonda 2018 jyldyń 16 qańtarynda kezdesedi. Memleket basshysy AQSh-ta 18 qańtarǵa deiin bolady.
Sonymen qatar, 18 qańtarda Qazaqstan Prezidenti BUU Qaýipsizdik keńesiniń qarý qoldanýdy jappai joiýǵa arnalǵan brifingine qatysady.
