Prezident Nursultan Nazarbaev "Jańa gýmanitarlyq bilim. Qazaq tilindegi jańa oqýlyq" jobasy aiasynda shyqqan alǵashqy oqýlyqtardyń tusaýkeserinde halyqaralyq terminderdi qazaq tiline aýdarý máselesine qatysty taǵy da oi qozǵady, dep habarlaidy Sputnik Qazaqstan tilshisi.
"Álemdik ǵylymi terminologiiany qalai paidalanǵan durys degen pikirtalas kóp. Bul joly ámbebap ǵylymi terminderdi ózgertpei alý týraly sheshim qabyldandy. Táýelsizdigimizdiń alǵashqy jyldarynda shetel tilindegi, ásirese, orys tilindegi sózderden arylaiyq dep neshe túrli aýdarma jasady. Keibireýin aitýǵa uiat. Keibireýi týra, dóp keldi", — dedi Nursultan Nazarbaev.
Prezidentke, ásirese, "paiyz" ben "kúisandyq" sózderi unamaidy eken.
"Protsent" degen dúniejúzindegi sózdi "paiyz" dep aýdardy. Ol túriktiki de emes, parsydan alynǵan. Men kelispeimin munymen. Birde maǵan marqum Erkeǵali Rahmadiev kelip "men kompozitor edim, qazir sazger boldym" dedi. Kompozitor, pianino degen halyqaralyq sóz emes pe? Ony kúisandyq dep aýdarǵannan ne tabamyz", — dedi memleket basshysy.
Bul rette Elbasy keibir sózderdiń óte jaqsy aýdarylǵanyn da atap ótti.
"Balmuzdaq" degen óte keremet aýdarylǵan… Sondyqtan qazir ǵylymi terminderdi aýdaramyz dep myqshyńdaityn bolsaq, onda bárin qurtamyz. Dúniejúzinde paidalanylatyn terminder qazaq tiline ense, olar tilimizdi baiytady", — dep túidi sózin prezident.
