"Qazaqstan prezidenti Nursultan Nazarbaev Bloomberg saityna suhbat berdi. 23 qarashada jariialanǵan suhbatta Nazarbaev muragerlik týraly aitqan", - dep habarlaidy "Ult aqparat".
"Bilikti tabystaý Qazaqstan konstitýtsiiasynda jazylǵan. Barlyǵy zań negizinde bolady. Balalarymdy prezidenttikke murager retinde qarastyrmaimyn. Bul bizge sai emes", - dedi Nazarbaev óz suhbatynda.
Buǵan qosa, ol 2020 jylǵa deiin jumys isteýge kúsh qýaty men energiiasy jetetinin de basa aitty.
Sonymen qatar, Nazarbaev amerikalyq jańa kóshbasshy - AQSh-ta prezident bolyp sailanǵan Donald Tramp týraly týraly da sóz qozǵady. "Ol eń negizgi oidy aitty, amerikalyq qundylyqty álemge tarata berýdiń qajeti joq. Sosyn ol ár memleketpen jeke jumys isteý qajet ekenin aitty. Eń kúshti demokratiia, mysaly, Resei jáne barlyq elder Batyspen dostyq qarym-qatynasta bolýy kerek", - dedi Memleket basshysy.
Nazarbaev Tramptyń óndiristi qaita jandandyrý jáne infraqurylym investitsiiasyn kóbeitý metalldardyń baǵasyna áserin tigizedi, bul degenimiz Qazaqstan ekonomikasyna áserin beredi, deidi. "Sondyqtan men jamandyqqa jorymaimyn, kerisinshe kelesi jyldan bastap bolashaqta jaqsy bolaryna senemin".
Onymen qosa, suhbat barysynda Nursultan Nazarbaev elimizdiń saiasi jáne áleýmettik-ekonomikalyq damýynyń basty baǵyttaryna qatysty saýaldarǵa jaýap berip, EAEO-ǵa múshe memleketter yntymaqtastyǵynyń perspektivalary, jahandyq ekonomikanyń, terrorizmmen kúrestiń mańyzdy aspektileri, sondai-aq shet eldermen ózara is-qimyldy nyǵaitý jóninde aitty.
Esterińizge sala keteiik, 23 qarasha Astanada parlamenttiń birikken jiynynda depýtattar Nazarbaevtyń Qazaqstandy damytýǵa qosqan úlesin konstitýtsiiada kórsetýdi, Astana qalasynyń ataýyn Nazarbaevtyń esimimen bailanystyrýdy usynǵan.
76 jastaǵy Nazarbaev Qazaqstandy 1991 jyldan beri basqaryp keledi. 2010 jyly qabyldanǵan "ult kóshbasshysy" zańyna sai Qazaqstannyń birinshi prezidenti qyzmetinen ketkennen keiin qyzmet etken jyldarda jasaǵan ákimshilik jáne qylmystyq isteri úshin ustalmaidy, qamalmaidy, múlki tárkilenbeidi jáne jaýapqa tartylmaidy.
