Kezdesý barysynda Nursultan Nazarbaev Shavkat Mirziioevtiń basshylyǵymen qol jetkizilgen Ózbekstannyń áleýmettik-ekonomikalyq damýynyń nátijelerine toqtaldy, dep habarlaidy Elbasynyń resmi saity.
– Qazaqstan men Ózbekstan óte jaqyn jáne mańyzdy seriktes. Ózara taýar ainalymy 2,5 milliard dollarǵa jetti. Buǵan deiin mundai kórsetkishter bolǵan emes. Bul jaqsy perspektivalarǵa jol ashyp otyr, – dedi Qazaqstannyń Tuńǵysh Prezidenti.
Óz kezeginde, Shavkat Mirziioev eki eldiń tabysty yntymaqtastyǵyna kóbine Qazaqstannyń Tuńǵysh Prezidentiniń saliqaly saiasatynyń arqasynda qol jetkizilgenin aitty.
Sondai-aq, Sh.Mirziioev Ózbekstandaǵy Qazaqstan jyly aiasynda ótip jatqan is-sharalardyń oryndalý barysyna toqtaldy.
