Qazaqstan Prezidenti Nursultan Nazarbaev Nazarbaev Ózbekstan Prezidentiniń mindetin ýaqytsha atqarýshy Shavkat Mirzieevpen telefon arqyly sóilesti, - dep habarlaidy kaz.tengrinews.kz tilshisi Ózbekstan prezidentiniń baspasóz qyzmetine silteme jasap.
Memleket basshylary eki el arasyndaǵy saýda-ekonomikalyq, investitsiialyq, kólik jáne kommýnikatsiia, mádeni-gýmanitarlyq jáne basqa da salalarǵa qatysty ózekti suraqtardy talqylady.
Eki tarap ta Ózbekstan men Qazaqstannyń jumys sapary aiasynda jetken mańyzdy kelisimsharttardy joǵary baǵalady.
Sonymen qatar, Nursultan Nazarbaev pen Shavkat Mirzieev ekijaqty qarym-qatynastyń meilinshe ózekti máseleleri, óńirlik jáne halyqaralyq kún tártibindegi negizgi taqyryptar jóninde pikir almasty.
Aita keteiik, osyǵan deiin Nazarbaev Ózbekstan Prezidentiniń mindetin ýaqytsha atqarýshy Shavkat Mirzieevpen kezdesken bolatyn. Kezdesý barysynda Qazaqstan Prezidenti taǵy da Islam Karimovtiń ózbek memleketin, elderimizdiń arasyndaǵy ózara qarym-qatynasty damytýǵa qosqan biregei úlesin atap ótti. "Tarihymyz, dinimiz, mádenietimiz bir bolǵandyqtan, onyń búkil qairatkerligi bizdiń halyqtarymyz arasyndaǵy dostyqty nyǵaita túsýge qyzmet etti. Osy qundylyqtardy saqtai bilý óte mańyzdy. Ekijaqty kezdesýler barysynda da, halyqaralyq uiymdar jumysy aiasynda da biz kez kelgen máselege qatysty ózara tiimdi sheshim taba bildik. Baýyrlastyq bailanysymyzdy budan ári de nyǵaita berý kerek", - degen edi Memleket basshysy.
