Qazaqstan Prezidenti Nursultan Nazarbaev memleketter arasyndaǵy senimdi nyǵaityp, qaýipsiz álemdi qalyptastyrý jolynda konfessiiaaralyq, órkenietaralyq dialog ortalyǵyn bekitýge daiyn ekenin málimdedi, dep habarlaidy QazAqparat tilshisi.
«Jahandyq qaýipsizdik júiesinde jańǵyrtýdyń tabysy - álemdik birlestikterdiń militaristik oilaý júiesin eńserýine bailanysty bolady. Memleketterdiń áskeri bloktarǵa bólý isin ótkenge qaldyrý kerek. Áskeri bloktardyń bolýy - mánsiz de tartysqa ákelýi múmkin faktor. Jalpyálemdik antiáskeri sharalar týraly óz kózqarasymdy men «Beibitshilik. HHI ǵasyr» Manifestinde kórsetip ótken edim. Ol BUU-nyń 100 jyldyǵyna qarai «Iadrolyq qarýsyz álem» qurýǵa úndeidi. Bizdiń mundai bastama kóterýge moraldy quqyǵymyz bar. Qazaqstan álemdegi iadrolyq poligondy jaýyp, qýaty jaǵynan tórtinshi oryndaǵy iadrolyq-zymyrandy arsenaldan bas tartty», - dedi Nursultan Nazarbaev Álemdik jáne dástúrli dinder kóshbasshylarynyń VI sezinde.
Prezident óz sózinde álemdik birlestikter men din basshylary Qazaqstan usynǵan sharalardy qoldaityn bolsa, bul maqsatqa (iadrolyq qarýsyz álemge - avt.) álbette jetýge bolatynyn atap ótti.
«Qazaqstan dástúrli túrde memleketter arasyndaǵy senimdi qaita qalpyna keltirý jolynda tolassyz eńbek etip keledi. Belgili bolyp otyrǵandai, biz siriialyq qaqtyǵystardyń toqtatylýyna kúsh salyp, sonymen birge kelissózder júrgizý úshin alań usynyp otyrmyz. Biz turaqty túrde Shyǵys Ýkrainadaǵy máselelerdiń rettelýi úshin jumys júrgizip kelemiz. Resei men Túrkiia arasyndaǵy kikiljiń kezinde de Qazaqstan taraptardy tatýlastyrý jolynda ter tókti. Biz bul baǵytta ary qarai jumysty jalǵastyrýǵa daiynbyz», - dedi Prezident.
Nursultan Nazarbaev Qazaqstan aldaǵy ýaqytta da aimaqtyq jáne jahandyq qaýipsizdik úshin barynsha kúsh salatynyn aityp ótti.
«Aitylǵan bastamalardy birlese júzege asyrý úshin men óz tarapymnan konfessiiaaralyq, órkenietaralyq dialogty damytý ortalyǵyn bekitýge daiynmyn. Biz halyqaralyq quqyqtan attap ketpeitin budan da qaýipsiz álemdi qalyptastyrýǵa birlese kúsh salýymyz kerek», - dedi Prezident.
«Aitylǵan bastamalardy birlese júzege asyrý úshin men óz tarapymnan konfessiiaaralyq, órkenietaralyq dialogty damytý ortalyǵyn bekitýge daiynmyn. Biz halyqaralyq quqyqtan attap ketpeitin budan da qaýipsiz álemdi qalyptastyrýǵa birlese kúsh salýymyz kerek», - dedi Prezident.
Eske sala ketsek, elordada QR Prezidenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń VI sezi ótip jatyr.
