Qazaqstan Prezidenti «Sheteldik jeke investitsiialar jónindegi Korporatsiia» (OPIC) memlekettik agenttiginiń prezidenti Rei Ýoshbernmen kezdesti, "Ult aqparat" Aqordanyń baspasóz qyzmetine silteme jasap.
Memleket basshysy áńgime barysynda kezdesýdiń mańyzdylyǵyna toqtalyp, qazirgi ýaqytta Qazaqstanda júzege asyrylyp jatqan ekonomikalyq jobalar jóninde aitty.
– Biz «Tsifrlyq Qazaqstan» baǵdarlamasyn júzege asyryp jatyrmyz. Halyqaralyq «EKSPO-2017» kórmesin ótkizdik. Kórme infraqurylymynyń bazasynda «Astana» halyqaralyq qarjy ortalyǵyn quramyz. Onyń barlyq qatysýshylaryna airyqsha jeńildikter qarastyrylǵan, – dedi Qazaqstan Prezidenti.
Nursultan Nazarbaev investitsiia salasyndaǵy qatynastardy nyǵaitýdyń jáne ózara tiimdi ekonomikalyq jobalardy júzege asyrýdyń mańyzdylyǵyn atap ótti.
R.Ýoshbern «EKSPO-2017» kórmesinen alǵan áserimen bólisip, aldaǵy ýaqytta Qazaqstannyń «Kazakh Invest» kompaniiasymen yntymaqtastyq týraly memorandýmǵa qol qoiylatynyn aitty.
