Elordany odan ári damytý máselelerine qatysty ótip jatqan májiliste Elbasy Nursultan Nazarbaev qaladaǵy sporttyq jáne kontserttik alańdaryn tiimdi paidalaný máselesin kóterdi, dep habarlaidy QazAqparat.
Májilis barysynda Memleket basshysy elordanyń barlyq sporttyq, kontsert alańdaryn tolyqtai paidalaný qajettigin eskertti. Osy oraida ornynan turǵan Mádeniet jáne sport ministri Arystanbek Muhamediuly elordada týrizmdi damytýǵa baǵyttalǵan júieli sharalardyń iske asyrylyp jatqanyn baiandady.
«Astana qalasynyń ákimdigi Úkimetpen birigip, «Astana týrizmin damytýdyń 2020 jylǵa deiingi jol kartasyn» qabyldadyq. Ai saiyn týrizmge qatysty jinalystar ótedi. Qazir Astana men Almaty qalalary arqyly vizasyz 72 saǵat bolý rejimin Qytai men Úndistanǵa engizdik. Mádeni nysandar boiynsha jaǵdai sál basqasha, «Astana Opera» júktemesi 100 paiyzǵa, «Astana balet» júktemesi 100 paiyzǵa jetip otyr. Nursultan Ábishuly, Jańa jyldyń aldynda «Shelkýnchikti» biz kúnine eki ret qoidyq», - dedi ministr.
Onyń dereginshe, Astanaǵa mádeni nysandar tipti, jetispei jatyr. Máselen, Ulttyq mýzeige 2016 jyly 166 myń adam barsa, 2017 jyly 1,5 mln adamǵa jetken.
Bas qaladaǵy mádeni ahýaldy toqtaýsyz baiandai jónelgen Muhamediulyna Elbasy: «Suraq qoiam dep pálege qalasyń ǵoi endi», - dep ázildedi.
