Qazaqstan Prezidenti Nursultan Nazarbaev biznes tekserýlerdi júrgizetin organdardyń qyzmetkerlerin synǵa aldy, dep habarlaidy "Ult aqparat" Baq.kz agenttigine silteme jasap.
Úkimettiń keńeitilgen otyrysy kezinde «Atameken» QR Ulttyq kásipkerler palatasynyń tóraǵasy eldegi biznesti damytý sharalary týraly aityp berdi. Munymen qatar, ol biznesti tekserýdi tsifrlandyrý máselelerine toqtaldy.
«Jappai tekserý kólemin azaittyq jáne tekserýdiń sapasyn arttyra túsetin aqyldy tekserý júielerin engizemiz. Bul tsifrlandyrý máselesine qatysty aitylyp otyr», - deidi Abylai Myrzahmetov.
Elbasy biznes tekserýlerdi júrgizetin organdardyń qyzmetkerlerin synǵa aldy.
«Ár otyrys saiyn osy nárse qansha ret aityldy?! Barlyǵy mindetti túrde baryp tekserýge qumar. Órt sóndirýshi kelip tekseredi de, eshnárse tappasa da, meiramhanada tegin tamaq iship ketedi», - deidi Nursultan Nazarbaev.
Abylai Myrzahmetov óz kezeginde tekserý kezindegi ereje buzý jaǵdailarynyń az tirkelgenin aityp ótti.
«Ótken jyldan bastap, biyl da ózin-ózi baǵyttaý júiesin engizýdi bastap kettik. Iaǵni sizdiń tapsyrmańyzben tekserýdi saqtandyrý organdary nemese assotsiatsiialar júrgize alady. Kásiporyndar derbes uiym bolyp birigip, ózderiniń standarttaryna sáikes, memlekettiń ornyna tekserý jumystaryn júrgizedi. Onyń ústine bizde mundai tájiribe de bar», - deidi Myrzahmetov.
