Qazaqstan Respýblikasynyń Prezidenti Nursultan Nazarbaev Parlament depýtattarynyń merziminen buryn sailaý ótkizý týraly suraqqa jaýap berdi, - dep habarlaidy kaz.tengrinews.kz tilshisi Aqordaǵa silteme jasap.
"Jaqsy bir sóz bar: jańa sailaýdan keiin jáne úilenýden keiin keregińdi ala almaisyń. Nege adamdar sailaýdyń bolǵanyn qalaidy? Parlament 2021 jylǵa deiin sailandy, ol óz merzimin tolyǵymen atqarady", - dedi Nazarbaev jýrnalisterdiń qoiǵan suraǵyna.
Áńgime barysynda Memleket basshysy jýrnalistermen kezdesý barysynda qazirgi kún tártibindegi meilinshe ózekti saýaldarǵa jaýap berdi.
Eske salaiyq, Kezdesýge qatysýshylar "Qazaqstannyń úshinshi jańǵyrýy: jahandyq básekege qabilettilik" atty joldaýdy iske asyrý aiasynda el ekonomikasyn transformatsiialaý úderisiniń birqatar aspektilerin, sybailas jemqorlyqqa qarsy kúres máselelerin, qazirgi saiasi jańǵyrý kezeńiniń erekshelikterin, BUU Qaýipsizdik keńesiniń turaqty emes múshesi retindegi Qazaqstannyń syrtqy saiasi basymdyqtaryn, sondai-aq basqa da mańyzdy jaittardy talqylady.
Kezdesýge "Qazaqstan", "Habar", "MIR" telearnalarynyń, "Aiqyn" gazetiniń, "Esquire" jýrnalynyń, "Qazaqparat" aqparat agenttiginiń jýrnalisteri qatysty.
Sonymen qatar, QR Prezidenti kadr taǵaiyndaýdaǵy máseleler jaiynda aityp berdi.
