Qazaqstan prezidenti Nursultan Nazarbaev "Nur Otan" partiiasyn jastardy oqytý men olarǵa mamandyq berý isine belsendi atsalysýǵa shaqyrdy, dep habarlaidy Sputnik Qazaqstan tilshisi.
"Memleket taǵy ne istei alady? Qolynan ustap: "Oqy, mine saǵan jumys, eńbek et, ótinemiz". Osynyń barlyǵyn "Nur Otan" qoldap, ún qosýy kerek. Basqa kim? Eger biz muny jasasaq, búkil álemge ár jastyń máselesimen jeke-dara ainalysatyn memleket retinde tanylamyz", — dedi Nazarbaev partiianyń saiasi keńesiniń otyrysynda.
Elbasy ár azamatqa tiisti deńgeide kóńil bólinse, ol jumysqa úirenip, qoǵamǵa paidasyn tigizetinin aitty.
"Bir bieden ala da, qula da týady" demekshi, bos belbeý, erinshek, túk paidasy joq adamdar barlyq qoǵamda bolǵan, bola da beredi. Biraq olar az ǵana, ózderiniń qylyǵynan uialady. Eger ony oqytyp, bastapqy kezeńde kóńil bólse, jumysqa úirenip, qoǵamǵa paidasyn tigizedi", — dedi prezident.
Astanada "Nur Otan" partiiasynyń saiasi keńesiniń keńeitilgen otyrysy ótip jatyr. Otyrysta memleket basshysynyń 2017 jyldyń 3 qarashasynda partiia saiasi keńesiniń otyrysynda bergen tapsyrmalaryn iske asyrý barysy jáne prezidenttiń bes áleýmettik bastamasynyń iske asyrylýyn qadaǵalaityn qoǵamdyq baqylaýdy uiymdastyrý máseleleri qaralady.
