Elbasynyń keńesshisi - baspasóz hatshysy Aidos Úkibai Nursultan Nazarbaevtyń "Táýelsizdik sabaqtary" maqalasyna qatysty pikir bildirdi, - dep habarlaidy Tengrinews.kz tilshisi.
"Nursultan Ábishuly halyqqa Qazaqstan táýelsizdikke qalai qol jetkizgenin, qandai qiyndyqtardan ótkenimizdi aityp berdi. Maqaladan árkim mańyzdy dúnie alatynyna senimdimin. Árbir qazaqstandyq táýelsizdik biz úshin máńgilik jáne ajyramas qundylyq ekenin túsinýi kerek. Elbasy barsha azamatty "Máńgilik El" ideiasyn júzege asyra otyryp, ony saqtaý jáne nyǵaitý igiligi úshin eńbek etýge shaqyrdy", - dedi Aidos Úkibai.
Aidos Úkibaidyń aitýynsha, Nursultan Nazarbaev Táýelsiz Qazaqstannyń bastaýynda turdy jáne onyń maqalada kórsetkeni - memlekettiń qalyptasýynyń jastar bilýi tiis mańyzdy kezeńderi.
"Elbasy qazirgi jastar Otanymyzdyń damý jolynda tolaǵai tabystarǵa jetetinine nyq senedi. Sondyqtan maqalany, eń aldymen, táýelsizdiktiń saqtalýyna jaýapkershilik júkteitin jastardyń oqýy mańyzdy jáne olarǵa Qazaqstandy odan ári damytý júkteledi.
Elbasy maqalany birneshe ai boiy daiyndady. Nátijesinde, búgin respýblikalyq "Egemen Qazaqstan" jáne "Kazahstanskaia pravda" gazetterinde, sondai-aq jetekshi Internet-BAQ betterinde jariialandy. Ony qaita basyp shyǵarýǵa eshqandai shekteý joq. Eger basylymdar ony jariialaǵysy kelse, maqalanyń túpnusqasy Elbasy.kz saitynda jariialanǵan", - dep qosty Aidos Úkibai.
